星期三, 4月 30, 2008

假如我是會考生 中文肯定一百分

今年中文會考考潮語,既然是地道潮語,即是會經常會使用的詞語。但我想了很多天也想不到,到底在甚麼情況下,我會說「潛水怕屈機」?以我的日常生活舉例。朋友每個星期的Saturday Night Fever一係clubbing一係上樓bar,有時知道參與名單係柯南(All男),勁唔想去,就會到時到候熄電話,朋友就會爆嬲說:「永高又潛水!快o的搵人放個西瓜落海等佢浮面啦~」。又,每星期都會和樓下村童打波,期中一個昂藏七尺身形與伊古達拿相近的年輕人,佢次次都在籃底爆我,我跳起伸盡雙手也望塵莫及,這時我會說:「又屈機o下o華死o靚仔~」。這是我最常使用「潛水」和「屈機」的情況。但我到底怎樣才會兩者同時使用呢?我想不出來,相信只有考評局的出卷菁英才想得出來。
.
和朋友討論了很多解釋這句o野的方法, 最後大家一致決定: 「不如直譯哎笨~」

所以有以下創作:

果日同方力申一齊潛水, 佢竟然帶埋部PSP落水, 我唔抵得, 一野屈爛佢部機。

星期三, 4月 23, 2008

順利過關成為書僮

暫時未斷纜,
不過預計會斷纜的有:
Houston, 有機會輸 4:0
Piston...可唔可以連嬴番4場呢?
聽朝7:00起身睇黃蜂~

星期一, 4月 21, 2008

型仔超人JOE

呢張係佢而家在msn上的晒幸福照~
呢張係佢自己最鍾意, 好有feel果隻喎~ kaka~

呢張係我最鍾意~年輕的感覺真好~


逢星期日早上晨咁早有套卡通叫《型仔超人JOE》, 我都識得一個阿Joe, 都幾型仔, 仲做左一件相當超人的事。
.
阿Joe係我在GS留左msn然後識左既朋友。說起上來,我add親o的朋友好多都唔會同我傾Game的。而呢條友add左我之後無幾耐就同我講愛情問題。我抱住八卦既心情聽下年輕人既戀愛煩惱啦~原來佢鍾意左個net friend,網上情緣在年輕人的愛情來說本屬平常事,最大穫係佢鍾意既女仔係一個身在保加利亞o既當地女生~
.
我心諗呢條友會唔會三分鐘熱度講下就算? 不過見佢咁苦惱,我就同佢講其實你咁年輕黎講如果唔使養屋企基本上都無咩包袱,既然咁鍾意不如真係飛過去搵佢啦,拍唔拍得成拖又或者之後會點呢o的咁雞毛縹緲既野都係飛左過去先算~起碼叫做真係見左佢,既可確認雙方感覺,就算唔可以做情侶都總算有段可歌可泣的回憶。
.
跟住佢就真係立定決心前往保加利亞,我用僅有既知識同我傾o下o的physicl問題,機票、簽證、budget、溝通……
.
結果~大概幾個月後, 佢地兩個終於見面,而且仲拍埋拖,有情人終成軟塾!!
.
佢星期日send左o的相俾我呢個所謂既月老睇,Well~我睇完之後都有一種好似美夢成真既感覺~突然覺得呢條友仔真係超勁~故寫此blog歌頒o下佢~
.
最正係阿Joe同保加利亞少女都相當ok靚仔靚女,為這傳奇添上一層更惹人好感的糖衣。
.
最後老土講句: 祝福你既愛情同你既會考啦~
.

星期日, 4月 20, 2008

NBA playoff之一切都盡在我掌握中

唯一係Suns負太陽, 你點估得到Duncan都可以入三分?而且, 輸此仗其實都幾傷, 大家打到血肉模糊進入second OT……難免影響餘下賽事心態留下陰影, 怪就怪太陽兩個clunch shot都俾左Diaw......真係有無搞錯~
.
Yeah~黃蜂取得首勝, Chris Paul打出信心, Jason Kidd即使有大量經驗都阻不了年輕人的澎湃動力。小牛怪就怪在放走Diop、Harris這兩位年輕人來換一個老將吧~蠢材~
.
我真係覺得亞特蘭大鷹同波士頓唔係爭太遠(遠, 但唔係太遠, 一條莊士巴利道左右), 不過後者士氣好, 加上主場之利的確能有較佳發揮, 望就望Bibby打番昔日風采, 7成都夠。
.
睇完今朝場Rockets vs Jazz, 我都幾肯定, Rockets出硬局。
.
今日最大壇新聞就係知到原來Garnett有喜, 兩日前生左個B, 呢一個沖起將對成隊Celtics相當有利, 看來他們的東岸冠軍也會輕易成為囊中物......

星期六, 4月 19, 2008

今年歸位捧Lakers

我從有Nick Van Exel的年代喜歡lakers, 當時kobe仲係在playoff重要關頭射兩球air的黃毛小子。後來Fisher上位, Oneal走, 我不喜歡Kobe, 不再捧Lakers。
直到今年, Phil Jackson回來, 令Odom快速成長, 仲有個媲美Duncan的Bynam, 季中意外地買埋超穩陣的Gasol( 在Playoff 中, keep住表現穩定就是一切)~~嘩~~無得唔捧啦。
.
其他估值:
Eastern Conf.

Celtics vs Hawks
4:1
無喇, 頂得一場得一場, 虛耗班死老鬼。我勁唔想Ray Allen得到指環, Garnett、Paul Pierce一等人都唔好拿喇。

Pistons vs Sixers
4:1
經驗壓倒一切, Miller怎看得住Biiliaps?

Magic vs Raptors
4:3
五五波, 輸之時, 乃當Raptors幾支白人槍唔穩定之時。

Cavaliers vs Wizards
4:2
Wizards成隊波12人, Mark唔住一個Leborn James, 預計Arenas無料到。

Western Conf.
Lakers vs Nuggets
4:0
Nuggets咁既打法, 呢世都唔會知自己輸mud, 不得不承認, 曾經好勁既Kerr教練已過時。Denver其實連Golden States都不如。

Hornets vs Mavericks
4:3
4:3只是個人願景, 其實呢個match up Mavericks係幾有利的, Mavericks絕對有本錢贏 4:0。個人極希望Hornets羸, 雖然兩個教練都無料到, 但好想Mavericks再次首圈出局。辭職吧, 小將軍艾弗利莊遜。黃鋒, 成為黑馬吧~~~~

Spurs vs Suns
2:4
呢個Match up係最好睇的~Sun從未試過如此齊腳: Oneal、Hill、Stuodimare、Barbosa、Nash, 仲有Diaw、Bell、Skinner; Spurs又係一隊一入季後賽個個球員都好似食左安非他命一樣。不過迷信的我,確信佢地隔年無指環。

Jazz vs Rockets (HCA)
沒有了姚明最慘唔係無進攻點, 係無左防守力同籃板, 點贏?大家唔好期望只識浪射的Mcgrady, 就是因為他有這舖浪射癮, 所以先每次在playoff第一圈出局。因為常規賽同季後賽, 防守是截然不同的。浪射->被打反攻->輸。幾年都係咁。

星期五, 4月 04, 2008

名副其實豬粉腸

呢幅貌似有趣既相, 留意下後面o的人望既方向, 會更有趣:
大家望緊既野, 代表緊大家最留意既野~亦都係心中認為最重要既野~





.
首先係最左邊果個貌似karl largerfeld的老坑, 佢望住豬粉腸 , 可能係懷悗緊昔日既自己:「我年輕何嘗唔係一條畢直既豬粉腸?」
.
到中間果個女人, 佢係成幅圖內最有童心既一位, 佢覺得呢個joke很有趣, 她的笑容由心而發, 心諗:「好搞笑呀, 咁大條豬粉腸吉個女仔~」
.
好喇, 到佢身邊斷估應該係條女既男朋友既人兄, 佢上演左一幕真人版目瞪口呆, 佢望既, 唔係佢女友覺得好有趣既豬, 而係條女! 條女扮俾豬粉腸吉既反應係假, 但係係男人都覺得好好睇!你再睇下佢側邊既男人, 佢都係望住條女呀~~,佢地同一時間諗: 「如果我係條豬粉腸就好喇~」
.
講完。

浸會大學分析哲學學系李天命第三代傳人
@ 我這春袋香港人 馮永高