星期六, 7月 19, 2008

紀念日


我唔知可以寫多幾多年,以我既非常有限既記性,除左內子生日,就淨係記得佢生日。
.
就連上星期陪個妹睇《功夫熊貓》,佢問起我記唔記得佢生日,我都啞口無言,攪到俾這個只有一年級的小女生以怪責的口吻嘆一句:「哎~~呀~~」。
可能好多人認為,對一個將近三十歲既人來說,鍾意偶像是一件相當低能兼幼稚的事。我唔否認我人生中有好多時間都係相當低能兼幼稚,不過呢,我更加唔會否認年輕時對她的近乎瘋狂式的迷戀。所以呢,我幾十歲人仍然不會覺得話俾人知我鍾意廣末涼子而尷尬。
最開心係,雖然經歷結婚、息影、離婚、復出,年華漸去,卻沒有在幕前幕後做過一件令我覺得唔再值得繼續支持佢的事。起碼唔會好似Accident咁,明明三秒都無,但都話自己飾演臥底。我希望,每一年的這一天,也都記住,莫失莫忘,對永遠不知道我祝賀她的她祝賀一句:生日快樂~
.
學左幾年日文,點都要整番句:OMEDEDO~
.
最好笑係,對上一次pose左 佢條CM既link出黎,最正係樓下打波其中一個o靚仔問我:邊個o黎o架,係米AVo黎o架?
.
果真五行欠打!


星期四, 7月 17, 2008

同一類人

http://jp.youtube.com/watch?v=YkA31t0n1Ew
.
打柒佢程度:9, 特別係左邊果個, 就同你地聽完我講爛gag一樣.......
.
不過好難捱晒成條片~
.
特別一提, 我好肯定左邊果個係自己提出扮女人的....因為係同一類人!!!!!
.
.
.
.
其實佢仲有幾條片的, 如果呢一刻你已經在搵緊其仔片睇 .........你認啦!!!!你都係同一類人!!!!!!!!!!!!!!!!!
.
認左就俾你睇埋呢條: http://jp.youtube.com/watch?v=-G12SonNaVc&feature=related

星期五, 7月 11, 2008

無才可去睇WALL-E



呢個世界上有樣野叫先睹為快,根據我中四中五讀過既ECON,要先睹為快應該要付出多o的COST的,不過,做呢行既好處就係:你唔使付出一個仙,卻又可以先睹為快。



咩叫一套好睇既電影呢?我覺得「好睇」就係令到你好快投入,你會完全跟住角色既情緒波動,就算套戲出現瑕疵,你都唔會發現。留意,唔係包容,係直頭唔發現。

.

電影有好多方法牽動你情緒,可以係場景,可以係對白,WALL-E就揀左用身體語言,仲要係由機械人做出黎既身體語言。亦因為咁,只有動畫先可以做到「由機械人做出黎既身體語言」,亦亦因為佢係一套動畫,所以所有野,都係由人憑空想像出來。亦亦亦因為咁,你可以想像果班人有幾~~~~~~~~勁!

起碼三四層樓咁勁!

仲有,PIXAR次次都可以做到「老少咸宣」,呢四個字講就易,但近年睇既或卡通或電影,都將老少變成正邪一樣兩難全,即使你而家睇番《E.T.》,都會覺得有少少低能和小朋友感動。但《WALL-E》呢,一樣煽情,不過又同樣可以言情,仲同你言形而上。

機械人可以表達到感情、機械人的戀愛可以令你覺得難能可貴、大家都知道機械人壞左換個零件就得,但你仍然非Q常之關心佢會唔會「死」,Well,而就在這個「會唔會死」的moment中,大家同時在反思:「到底咩係生、咩係死、甚麼是生存?記憶才是生命?」,就如劇中的Captain所講:「I dun want survive,I want Live!」

這時候,我們便要唱老鼠安老土到爆的《何謂愛》。

.

要懷舊,佢俾《Be Kind Rewind》更甚;要爆笑,笑位一定多過《我老婆係賭聖》(因為《我》根本唔好笑,所以這句肯定岩)。

最後,根據我之前所做的「好睇電影」assumsion「就算套戲出現瑕疵,你都唔會發現」,我認為:《WALL-E》是一套近乎完美的電影。


So,無講你有才、無才、有財、無財、有材、阿材,都應該要去睇。

.

.

.

順帶一提,其實我有作埋下句的,不過完全無關係:

無才可去睇WALL-E

闖入南X若許年

吟完。


星期四, 7月 03, 2008

經常裝著與別不同, 是否就真的與別不同?

答案當然是否。
.
我卻成日裝著。
.
在公司播著《豈有此理》和《別人的歌》,音浪比平時扭大了一點,因為心中有道氣很想宣洩。
.
最近事事不如意,無論打波、公司際遇以至打機也燥起來,燥得起,回想起這些「燥」,又為自己的低能EQ而懊惱,覺得自己孩子氣,回頭一想用孩子氣呢三個字形容一個已到達阿叔年齡的自己相當毛管「棟」。
.
為甚麼身邊的人總裝著一副好識撈的樣子,自己卻咁唔識撈?

為甚麼Sales的咀臉總是這麼黑尻人憎?

為甚麼佢地講野要咁大聲?

佢地聽唔到我播的歌嗎?

豈有此理呀~~~~

為甚麼我成日要自命不同?

當一個人覺得全世界都欠左自己既時候,便是時候檢討下自己。