周星馳舊史
最近唔知點解，密左寫blog。
我知點解喇，有靚女黎睇，仲要留言，仲要讚好睇，呢件事出現既或然輪對我來說幾絕對係低過零。
所以阿癲，多謝妳幫我打破這個輪。
．
今日阿雞出開去(我終日留在悲情城市)，見到周星馳做封面，就買。我本來都無咩期望，特別係睇左上次「香港流浪者」之後就更加係萬念俱灰。不過今次睇完，發現原來香港都還有雜誌好睇的......even其實我都唔係太睇雜誌。
．
我近年好少同人講「我好鍾意周星馳」(廣末涼子、崛北真希、蒼井優一等人仍然有講)，即係好似你打籃球話自己既偶像係米高佐敦一樣，講左等於無講。我迷上他的電影始於大學時代，以前唔係唔鍾意，係無咁沉迷。入了宗教哲學系後，認識了一個叫阿修的人，他是從內到外也浸透著周星馳電影的。在全班得廿幾人的情況下，剩餘的幾個男生很快就連成一黨，我和他也成了好友，潛移默化，愛屋及烏，也有可能為了找話題，我開始從新認識周星馳的電影，然後愛上，在學校常常拿對白來玩。到哪裡也說，從課室對阿修李英偉說，到dance soc 練舞和泰仔阿渠說，在band房和阿拔Brian說，上述各位也是周星馳迷，大家常常拿對白來玩。曾幾何時直頭覺得「你講唔出對白對唔到下句即係唔岩channel」的思考回路，都幾中毒。
．
我們會講一o的可能無mud人留意但自己又覺得幾好笑既對白，例如：
「好大條坑呀」
「趺趺～趺趺呀～」
「好似棉花糖～」
「好既～」
「O～sit～」
「棟 AL～」
「不如我請哎～」
「好難捉摸呀～」
「死哎你唔好去死哎你哎～」
「我要殺死丁力你呢個仆街～」
「豬頭就無喇～豬粉腸啦～」
「辛苦兩位磨豆腐～辛苦兩位磨豆腐～」
「吹個波～吹個大個波～吹大個波波去玩波波～」
「老婆～同牛魔王一齊睇耶穌。」
．
要數最刻骨銘心，應該係year 2參加ifva拍左套《一個幾毫》，我同阿修有對手戲，果個scene係佢黎模型舖探我，跟住我即企起身說：「坐哎」佢講：「你坐哎」我再講：「唔好唔好都係留番俾你坐哎～」其實係來自《西遊記》菩提老祖同兩個賊死左去番水廉洞搵周星馳果幕，阿修提議的；仲有第二幕係阿修眼見燕窩店東主個女而被無賴捉住隻手而說「放開個女仔去～」，呢個應該多o的人知，係《破壞之王》，也是阿修提議的。後來杜汶澤也在《絕世好B》演譯了一次，不過佢改左將芝C姑Bi叫做阿婆。
.
有時你o係生活中講左，其實對方係唔知的，但係你又會好滿足，自己覺得好有趣咁。其實係相當痴X線的。
.
看過太多人討論周星馳和他的電影，看膩了，有時自己身邊的朋友會說兩句甚麼的，讚或彈也沒有太大感覺，分享到別人的感受也是一件樂事。不過有時看見一些所謂專業人士的影評，也會動了火氣。不是因為他踩，而是因為他踩得唔夠力，無point扮有point，無料到，但又要選擇踩，令人氣結。
.
最近幾年看周星馳的電影，再沒有連環的哈哈大笑（印象中對上一次大笑好似係少林足球謝老四無啦啦跳舞唱「chachacha」)，除了買笑，我更希望他能真正拍一齣好的電影，自己感動的，個個也讚好的，對上兩次離開戲院時也有這種滿足的感覺。
.
最近因為買番《唐伯虎點秋香》重製版，好鐘意講「食完飯要痾屎，痾完又要抆，慘呀～」
難為身邊的另一半，咁多年都要聽我講呢o的毫無意義自得其樂既說話，完全無成長，有時仲傳染埋添。慘呀～
