噢~聖誕節

沒有甚麼主題, 只是突然很想update o下。
.
每年聖誕例必在會展過,別人說「好忙喎好博喎好慘喎無得玩」,其實都唔知幾好,有得on show有錢收仲可以同女友同台get the job done, 省金錢省精神省心思。不過,可惜的是今年有d事令到自己感覺好無癮。我不知道這會不會是最後一年,不過我自己今年就搞到經常在想「下年唔再搞」,起碼,唔會再栽個心落去搞。
.
阿雞說得對:「明知人地小朋友,你又做mud嬲人呢?」又係喎,我最鍾意小朋友的,因為我同小朋友的同步率比成年人高。如果你擺一個小朋友同一個大人一齊同我傾計,我係會同個小朋友投機o的的,這不是預設的假想答案,這情況經常發生在我身上,可能很多女士知道後也會對我敬而遠之。也無所謂,我身邊話不投機半句多的人幾乎佔大多數,比泛民對親中的六四黃金比例還要高。
.
也說說不update的理由,我近排主要將興趣在《DQ 4》和fxxk club上,工作一如以往沒甚可說。其中特別是fxxk club,諸位朋友令我拓闊了自己的眼界,「哦原來呢一行係咁的」「哦原來有啲人係咁的」「哦原來有啲o野係咁做的」...太多太多發現。有很親的朋友跟我說「你在節目中講o野係最無吸引力的」(唔知點解我身邊有兩三位朋友對我非常坦白,就好似黃子華見到阿嬸嗌阿嬸一樣),我自己睇番~咦又好似係喎,學識最少經歷最平凡講o野技巧最劣絕,不過呢,我真的非常喜歡參與,我更曾向大家提出過很多很柒的點子,而在想起來也有點面紅,不過呢,成件事始終係非常過癮。對於一個只求結果的冥王星天蠍人來說,我今次竟然覺得「過程才是最過癮的」。所以,我最近人生主要工餘活動便只有打籃球和錄fxxk club。
.
《DQ 4》嗎?很好玩的...不過爆左第一次機未爆到true ending, 今晚開始又會進入另一個世界--《FF 4》。家中的Wii只有半個月,開了卻不足十次。大件事。現在才發現我喜歡的遊戲類型是如何狹隘。
.
呀,再說多一件非常快樂的事,我找到自己的人生目標了! 計計埋埋苦找了一年多, City 語文系,等著瞧,今次我一定考到的!我今次目標前所未有地明確,成個過程要多謝阿雞、自己、龍馬同埋ok屎忽撞棍的神武。關心我的朋友為我鼓掌吧!如果有的話。
.
先說這些, 「Bath之旅」有限期押後, 「移情別戀」無限期押後, 其實本來是想寫「到底在one life one love的廣末涼子之後我鍾意過邊個artist」,名單有崛北真希、蒼井優、宮崎葵,仲有香港有個江若琳...死,我之前係米講過?老人痴呆。
.
最後,為自己祈祈福: AGS頫順利利~不要超時不要講錯o野不要得罪人,最緊要~~~不要同阿雞鬧交!阿門同埋阿里陀佛~