我第一次在戶外做......

其實呢篇野上個星期寫左, 不過upload既時候死左一次過幫我洗晒, 狂爆粗啦, 因為我最近寫blog既時間真係唔多。
已經唔記得想寫d o羊,總之, 記憶中好似係第一次在戶外做show, 一d行過既人會停低睇個show, 聽你o係個台亂up, 感覺係良好既。
今次又認識了一班新朋友啦, bluemoon, 向映晴,沚洳等, 大名鼎鼎既阿幽尋日都add 埋我, its really cool~我已經融入左佢地圈子喇~
有時覺得幾幸運, 因為一本雜誌, 因為一個show, 可以令我在生命上遇到一班平水相逢既人,成為朋友, 朋友唔係出黎見面, 係間唔使在msn傾兩句, 到event時再見, 感覺已經非常良好。
仲有一班讀者啦。
要同cosplayer講既, 大致上都o係編話講左, 我今次知道更多關於一d 「過節」野, 當然這些事非絕對於我何干, 不過我以幾十歲人既身份都想講兩句。
即係, 如果大家真係鍾意cosplay, 如果每次出show都有些篤眼篤鼻既人, 係幾唔開心既一件事呢。對人既偏見誤會可能是人云亦云, 如果可以放低執著, 下次見到面時主動同人打個招呼, 可能一切既誤會就可以化解,
《西遊記》既至尊寶都問過唔提老母, 佢話, 點解憎一個人可以憎咁多年。其實係好無畏同令自己好唔開心既一件事。如果仲計較以前佢講過自己d o羊o羊o羊, 到頭黎最唔可以原諒既可能會變成自己。
老人家既道理講完, 其實大家都明, 不過主動行出第一步呢, 可能又係一件難比登天既事, 心魔已久 , 嗚呼哀哉。

p.s.講番跳脫d既事, 完左個show之後,最好笑係我篇報導係咁俾 cosplayer 話我寫錯野, bluemoon仲專登scan黎俾我睇, 笑死我。而家upload左俾大家欣賞下~哈哈哈~