感染．力

無錯喇，上面果一點「．」係無意思的，不過而家興咁樣拆開o的字既組件，會好似有o野o的咁。
又係上網download o野時發現呢兩條link，我以前都講過，我好容易會俾一個女仔拎住結他自彈自唱感染到，而YUI又的的確確係擁有澎湃既感染力。所以我順理成章地addicted。
呢兩條片原來已經係上年2月份踏入20歲成人禮前一日拍的，她返了自己家鄉後，跟住分別在一個叫天神(天神村?)既車站同涉谷車站就地唱歌，同《太陽之光》情節一模一樣，不過大家會真係聽到現場收音既結他聲同佢既歌聲。
佢唱歌時，令我真切感受到女性聲帶之奧妙，我好想知道佢喉嚨係點構造，點解可以發出一種令所有人都靜晒聽佢唱歌既聲音呢？
真係超鍾意YUI，佢係我「移情別戀」名單中的頭號人物，其實唔應該叫移情別戀，咁對廣末涼子唔公平，應該稱之為「後廣末時代」，Yeah~
我睇完之後暗暗為自己做了兩個決定：第一個是下次有朋友到日本要叫他／她幫我買這隻DVD；第二是，無論貴成點，只要佢黎香港開concert，我一定睇最貴飛!!!!!!!!!
第一段：http://www.youtube.com/watch?v=zmOc8f8XGFE&feature=related
呢個係天神車站的，唱《Feel My Soul》，少d觀眾, raw d, 「I feel My Soul~Take Me Away～」，　我覺得好睇D~
第二段：http://www.youtube.com/watch?v=fpMEQtjKgqs&NR=1
呢個係涉鈷，長d，有講佢自己聽日過二十歲同埋往後努力之類既野，　唱我最鍾意既《TOKIO》(我另一位朋友阿修介紹的，他也很喜歡)，多左d修飾(例如個cam pro d，個裝濃d，個頭set過, 講野多左等)，不過同樣好聽到爆～
．
我真係有好電車男咁對住個mon一齊唱～
．
後記：其實一個人唱歌係米真係會擺出咁痛苦既表情呢(請看第一段)?不過我諗好多人就係俾佢呢個樣吸引住，我突然諗起我另一位後廣末的摯愛蒼井優，佢在《花與愛麗絲》中也有一幕「好辛苦食朱古力」，大概岩井俊二都發現到蒼井優個樣好適合做呢一種表情吧～我呢～當然兩個都咁鍾意啦～～～哈哈哈哈～～(<--變態電車人)

.

後後記: 今晚又搵到另一首YUI翻唱別的歌, http://hk.youtube.com/watch?v=hmPJu4Y7RG4。

.

唱歌無分年齡,小至16歲時的YUI大至六十多歲的潘迪華也一樣可以有感染力。不過對就黎三張野的我來說,當然比較喜歡兩張野的YUI......。突然想起《性．教．慾》的仆街神父搵d好細既o靚仔唱聖詩的橋段, 當時的審聽標準是愈細過愈鏗鏘的聲音愈近天國, 在我聽來YUI的聲音也有點相近。講到咁誇, 查實最尾都係四字記之曰:人靚聲甜, 其實都幾無得頂架~