愛之深, 痛到切

早幾星期都將NBA的專業意見寫左落GS同應該無咩讀者睇既編者的話分享，今日，太痛喇, 忍唔住。
.
前幾日同fxxkclub成員講耶蘇( 真係講緊耶蘇), 鼻先生好假咁講左句「愛之深, 痛之切」，呢句都好適合形容我今日既心情(好真)。
.
騎士，抵輸，成班倚賴蟲全部都將責任落在Leborn James一個人身上，超級英雄都有累既一刻，尤其有一球大Ben空晒唔射得兩秒都要交番出黎俾James 狗射三分。Sorry，　一隊勝利既球隊係唔會有呢o的球員，所以我好唔忿氣，但都不得不承認，騎士，抵輸。
．
成隊Celtics打得最好係Paul Pierce, 學最近成日見到面既肥仔話齋，今場充分見到佢既承擔感，　作為一隊波既重心，你就係要射，順唔順都無得諗，射！呢一份執著牽動著他的幾位廢隊友交功課。再加上，今日教練李維士失驚無神在第四節出得最信得過既兩大後備Posey & House(平時唔識教波的)，所以，今日Celtics贏得好合理。
．
我重申一次，我真係好能爭Celtics，Ray Allen唔識射波係報應，亦都證明左佢只係一個常規賽識9 shoot既「射手喎」，最憎都係班bench係唔係都企起身拍毛巾懶能齊心有士氣，雖然其他波既bench都會，但佢地係誇張到一種黑人憎既地步，請唔好再扮齊心喇，你地唔係一隊打士氣波既隊伍(牛仔同金州同金塊先係), 咁鍾意扮野去無線同d歌手一齊賑災啦～
．
下場東岸老鬼對老鬼，雖然客觀上Piston輸幾章，但我都會全力支持Piston,只要拉傷左jer jer既Billiaps回勇，就有機! 因為Celtics最弱既位就係控後!!!!!去吧～Wallace~Prince~Billiaps~
.
聽日嗎？如果黃蜂贏, Lakers就會好打好多喇～而且我想睇多幾場Chris Paul呀～