R字頭

艾佛遜以外的答案

2010-09-27T01:07:00.002+08:00

我上一篇Blog的疑惑，原來村上春樹老早就回應過了。在我看來，在時間性及內容的巧合下，還真的OK呼應的。

訪談中，關於故事人物結局的生與死，村上也談了一些。「結局誰會活著誰會死去，我在寫的時候並不知道，完全是以寫實主義的方式寫著。」村上道：「說起來，《挪威的森林》這本書要讓誰活著或要讓誰死去都是非常困難的，最後應該是怎麼樣就是怎麼樣。然而，在寫的途中有時還是會困擾，會考慮究竟這樣作好不好。但是這些困擾，在那個時候認為應該是怎麼樣，就會照那樣作結。當然，這只是對我自己而言，別人說不定認為不是這樣吧。」

就直子與阿綠兩個主線而言，讀者也許認為直子已經死了，而阿綠還活著，村上卻說：「我與直子如今在事實上還沒結束，開頭的部分其實就提示了這一點。」接著他又說：「其實我也曾經想過，反過來讓阿綠死去。阿綠並不是不會自殺的類型。但我想的是，讓她死去是比較好的嗎？」村上便曾考慮過，如果失去了阿綠，對於書中的『我』一開始那種不理會世界的性情而言，會成為怎麼樣的情形。

「但是，這樣一面寫一面思考著可能性，事物的發展方向有時會馬上改變掉。」村上說。

接著問到關於最後玲子自療養院出來，並與「我」上床的段落，村上亦覺得是很自然的。「我覺得不這樣是不行的。這在寫作手法上是類似情感淨化 (catharsis) 的效果，不過我最初倒沒想這些。我只是覺得，這樣做是必要的，是比較好的啦。」

接著又談到初美的情形。「關於初美的死，最後的情景是手上纏著繃帶，看她去接電話，然後就走出門。在那個時候，我對於這個人究竟會如何，全然沒有考慮。但是，突然就寫下『這是我最後一次見到她』這樣的句子。換句話說，就是忽地一下就寫出來了。」村上接著說明：「這是集中力的問題吧。如果沒有集中的話就寫不出來了。各種記憶也好、心中的各種凹陷也好，要把這些引出來，要在必要的反應下自然地出來吧。」

阿綠是《挪威的森林》中相當有魅力的角色，甚至可能有讀者會猜想，是否與村上的夫人有關。關於這個好奇的問題，村上回答：「這樣想的人確實很多，但是其實完全不是這麼回事。也許有一些類似的部分，但完全不是同一個人。其實啊，內在方面一點都沒有相似之處，外在看起來也不同。連她也認為是不一樣的。」

但是，村上是怎麼看阿綠的魅力呢？「這個啊，」村上說：「感覺上是象徵著現實的拯救吧。其他的人物，像永澤啦、直子啦、或玲子，所做的都是一點一點地從現實偏離開。但是，阿綠這樣的女子，卻是雙腳踏入現實中生存著，並沒有脫離存在的現實。我想這一點正成為這本小說的力量。而此後，我再也寫不出阿綠這樣的女子了。」村上並再次解釋，阿綠這名角色是綜合而成的人物。

節錄自《時報》一篇訪問，在資料搜集的過程中發現的。

Old Wood is so exciting

2010-09-21T02:40:00.008+08:00

．像病態一樣，看完上半部後，從房間走出大廳，抽幾根煙，開了FACEBOOK，開了BLOGGER，開了MSN，然後又抽幾根煙。然後兩天後，看完下半部，又做著相同的事。
．不同的是，第一天我拼命的要找人說幾向話，但寫不了blog。
．今天卻不想跟人說話，但寫了blog。
．本來有一大堆話藏在肚子裡不吐不快，不過到真的寫著的時候，腦中那些想法又好像變得不值一哂。反正也有太過人寫過讀後感了吧。況且也不是新的甚麼甚麼，又不是炙手可熱的《1Q84》的BOOK3。說到尾，都是一些自傷自憐的感受。不提也罷。
．就這樣，作一個記錄好了。
．感性不代表我不懂得開玩笑。我今天在《GS》的編者的話，便開了一個爛得令人發紫的無聊笑話。我在標題寫了《常威的森林》，還向大家介紹了常威是誰。
．常威就是《九品芝麻官》中殺了戚氏一家八口的大壞蛋，也即是佢老豆就係水師提督常昆那個粉皮。
．當然，一點也不好笑。
．還是寫一點點感想。
．首先，我很驚訝自己重讀這書的時候就連一點點印象也被消失怠盡。儘管我一直也是一個記憶力不好的人。我在回想，當時－－大概還在唸大學的時間，是以一副怎樣的心情完成此書，又將注意力放在哪一個情節身上。即是說，那時的我，認為甚麼是最重要呢？為甚麼現在又可以忘得一乾二淨呢？
．其實，到了現在我年紀的我，本來已不太喜歡看愛情小說，應該。
．書中有很多劇情的進展都是以做愛來蒙混過去，最後直子的死也有點「為了要告一段落了，你就去死吧」的感覺。這都是按小說寫作方面令人不妥的地方。
．不過在一直看著的時候，卻喚起了很多蒼涼和悲哀。SHIT，我又寫這兩組詞語了。
．我也在GS寫過，可能我們每個人身體都有那個甚麼死去的一部份，我們被它依附著逼於無奈繼續生存下去。而當你在看此書時發現身同感受或甚麼的時候，其實己掉入裝模作樣、假惺惺的陷阱。這是無可避免的，就像第一個把女孩子形容像花的人一樣，你再寫時，件事已經變質。
．而我，當然是裝模作樣、假惺惺的佼佼者。
．孤獨得想把自已蒸發掉，在那久違的森林裡。

http://www.youtube.com/watch?v=N3cUejOltsA&feature=fvw

寫於看完《挪威的森林》，掛著三號風球，風很大的凌晨3:06

為了一千元，你可以付出幾多？

2010-06-23T17:58:00.005+08:00

我可以付出咁多。

西口西面的。

人啊人~(十級裸膽篇)

2010-06-22T02:38:00.011+08:00

我們做人啊～有時不知究竟為甚麼，總想追求甚麼目標，總想出人頭地，總想找個真心愛自己和自己真心愛的人，從年青找到中青找到中坑。中學大學時期的朋友，十年後的同一張合照，以為自己還很青春，誰知拿出來比較一下，大家也變成阿叔師奶。沒法子出人頭地，就表示往後也沒法子出人頭地了，再想就變成妄想了。只好安安穩穩的找份工作儲錢，感情早有得著的話便仔細想想細水長流的好況味，感情失落的話便唯有再找找再等等。一個措手不及殺來一個激情的異性，一拍即合拍出個火花，這邊廂誓約共相廝守共偕連理，那邊廂還未確定廝守在哪裡連理於何時，便已經拆個分崩離析。離合散聚本是恆常之事，情侶之愛被外來衝擊撞得個天花龍鳳，便說感情淡了甚麼甚麼，其實說穿了就是根本沒有想過連理想過廝守想過細水長流，感情愈新愈好。都唔緊要，最憎是拖泥帶水，勝券在握便來買個保險搵個後備兵源，把對方弄得個焦頭爛額，自己也扮焦扮爛，其實完好無缺，心底下暗爽。這是對人的侮辱，而且還是侮辱一個曾經和你如此親近的人。這時候說甚麼也無用，做左就係做左，自以為透過說話可以說通一切的都是未成熟的大傻瓜。當然，事過境遷後回想一下可能很爽，但歲月匆匆而逝，你暗爽之餘辜負了人家的一番好年華，情何以堪？我們做人啊～有時不知究竟為甚麼，然後一貶眼便死掉。想通了其實生命可以很悲哀很滄涼。在你不知不覺間，生命已耗掉了半輩子，那麼，接下來，你還想得到甚麼呢？
.
http://www.youtube.com/watch?v=l3Br-WYcN7g
.
至於我，我只想將餘下的生命濃縮，將不必要的一一卸下，見見朋友，聽聽朋友的故事，看本書，睇齣戲，然後回家食飯，兩口子的。

"THE"皮與雜誌

2010-06-19T01:02:00.008+08:00

通常我好俾心機做一樣野，死衝左一排，到埋尾的時間見自己已準備得七七八八，就會出現此情況，本來想寫墮皮，雖然字意比較貼切，但好似音形沒"THE"皮那麼貼切，所以選其後者。
．
說的是明天的PRESENT，完了這個，再埋埋個本來只需四千字我卻已寫了萬二字的論文後，我的整個課程便告一段落。歷時兩年。其實字多並不是一件好事，只能給與老師「你也算勤力」的表皮印象。適合沒有才華如我的學生。
．
結果在明天要PRESENT的星期五還有兩小時有英格蘭看的這個晚上，我選擇了看雜誌和寫Blog。
.
.
.
第一次見這封面時已很想買，但那時嫌貴。結果幾天之內不斷縈繞心頭，到想買時便買不到，四處都說售罄。直到今天早上吃過早餐後在天水圍新北江這些窮鄉僻壤的報紙檔，老闆娘本來擘頭也以一句「無呀～」先聲奪人，後來憑我鍥而不捨啟動寫輪眼，終於又俾我搵到，然後帶著發現寶藏的笑容洋洋得意的放下三十五大元。
.
我後來再想：為甚麼我咁想買？本來的周澄其實並沒有如此吸引我的。我想了很久，終於發現，這封面拍得她很像我曾經喜歡的幾個女生，有點田原，有點張懸。
．
至於那篇專題，描述的有點平庸，她答的也有點平庸。結果就是有點FlatFlatFlat。而且，我很怕這些訪問會出現太多訪者的「我」字，像寫Blog。
.

.
.
.
另外還買了這本，昨天回歸祖國時看見的。這次沒有猶豫，閃電付帳。因為封面實在太吸引了。原來內地真的可以很開放。那和我早前知道董橋在擔任蘋果報長後依然可以在內地出書一樣，「估佢唔到」了一野。
.
．
．

.
.
.
最後最後，不知算不算遺憾的是，在周秀娜未出3D洞房寫真時，遠在日本的蒼井優率先推出了這本3D展覽結集，不過，因為不是寫真的關係（只是她的作品結集），以及太貴的關係（5000日圓)，我最終決定唔買。希望唔會後悔。阿門。

世界should be大同

2010-06-08T00:22:00.004+08:00

那天在朋友公司，一行三人，亞視正在播放《篤姬》，我問兩位除了小澤瑪利亞以外完全不熱忱日本藝能界的朋友：「這位女主角漂亮嗎？」
.
「唔靚。」
「唔係掛，咁都叫靚？」
.
.
.
.

.

宮崎葵都可以唔靚？？？？？搞錯！！！！！！
．
話說回來，這套戲唔好睇的。我當時是因為迷戀宮崎葵而在香港電影節撲飛入場的。雖然封面如斯吸引，但都係唔好買。

十分冷淡存知己一曲微茫度此生

2010-06-02T18:25:00.007+08:00

我從董橋的《記得》一書中讀到的，聯語由一位已過九十的書法家張充和老婆婆所撰。
.
這裡的冷淡應該唔係我地平日理解的那種，而是淡如水的淡然，少少細水長流feel，雖然「冷」，但「知已」已覺甚溫。
．
看到這聯後，我深信朋友真的不用多，而且人生微茫，因此Facebook係好應該被消滅的。
.
知己冷淡已足，人生既然微茫，何不消滅臉書？
.
我唔知大家有無和我一樣的經驗，就是在開了臉書之後，你固然想看看你喜歡的朋友的最新近況，但有更多時候你是會看見你不想看見的人的近況，而你又沒有辦法可以令他不再出現在你的版面上（除非刪除了他，但據說會被對方知道，煩上煩）。所以我在這個月正式開始嘗試玩臉書之後，得出的結論是：未玩前本來無一物，但玩後每次開親總會出現塵埃，當然也有搞笑開心的事，但好像還是塵埃比較多，弄得心不稱意不適。明明可以掩耳盜鈴而又無傷大雅的情況下，還是掩佢一掩更樂得個耳根清靜。反正知己冷淡存，生命如此微茫。
．
所以不再玩了。盡量。
．
說起董橋，我今天晚上發現，原來他除了不喜歡北島外，也不喜歡張大春的。也不喜歡張愛玲的小說（只喜歡《張看》)。我漸漸感到開始同佢唔夾。不過無論如何，以研究他作為我結束這兩年嶺南生涯的總結，確實是萬二分高興和萬二分慶幸的。高興是因為他一直是我相當景仰的世外高人，層次高過第四代超級剎亞人同獨角巨龍同烈風天馬！GO—SHOOT！！！慶幸是因為在13條Present題目中，幸運地被我抽中了，機會率是十三分之一！！！我那一刻確實後悔無買六合彩（那晚多寶派彩三千四百萬，無人中，因為我無買。)。
.
.
.
後補：我再諗下諗下，一個年過半百的人唔喜歡張大春的荒誕和張愛玲的言情，其實又好合理。北島就唔知了。他的散文將文人雅士都寫成仙山鍊丹的道士一樣，不吃人間煙火，又流麗又陌生，因此獲益良多。獲咩益呢其實？以我的資質，相信最後都應該可以鍊到粒彭丹。

星期六要上班，在公司的早上

2010-05-22T11:37:00.003+08:00

星期六在公司的早上，聽著Belle & Sebastian的The Boy With The Arab Strap很快樂，發現自已始終是一個喜歡Sad bastard music的柒頭皮。
.
Sad bastard music是來自《High Fidelity》裡Jack Black的形容。電影還沒看過,很想看。
.
星期六早上的西鐵很擠擁，一大肚婆從天水圍上車，用個大肚得來得去得住坐在座位上玩iphone的年輕人，年輕人視而不見，大肚婆再得到寫上優先席的座位，三位女士們依然視若無睹。其實坐在位上的視線，是與大肚婆的大肚成水平線的，兩者之間的距離仲近過紫霞搵把劍行住至尊寶的距離。結果，大肚婆企到美孚下車了。
．
我沒有質疑為甚麼香港人如此沒有良心，因為我都無。但我好奇為甚麼香港人連偽善也懶得扮，如果坐著的是我，我會唔好意思的，內心深處帶點無可奈何目無表情然後離開坐席。倒轉頭的想，香港人真的很Raw很生活，「我星期六一早起身仲要返工腰又痛腳又痛返到公司仲要俾老細鬧又不讓就是不讓」……其實大家如果真的那麼真實的話，為何我又會見到坐席上的人貼著賣旗的貼紙？學元華見到波板糖符號話齋：「唔明呀～喂～唔明呀～」
．
又或是，買了旗是為了不比人再問買唔買旗？只要落在我的腦海中,一切也可以變得闍黑。
.
這就是星期六要上班的早上。

很流的意識

2010-05-20T01:04:00.010+08:00

我們都希望，正確一點說，我希望留點甚麼在世界的，因為其他很多都不懂的關係，我唯有靠我日常生活接觸得最多的文字表達自己。因此我很喜歡看自已寫的東西，寫得像日記的編者的話，很貼近自己的小說，很想向小朋友表達某種意念的兒童故事。昨天終於要交畢業功課，我將我寫過的兩篇小說加七篇兒童故事結集，然後走到書局釘裝，一式兩份，在乘西鐵由天水圍走到兆康不足五分鐘的車程間，我反覆看自己製造的這本「結集」，除了發現依然有錯字，還發現了自己很喜歡寫一種悲哀的氛圍，一些蒼涼的故事。就像張愛玲描述的那個世界，有一份「浮世的悲哀」。接著我便想起了自己從小到大的喜好，將自己喜愛的影像、音樂和小說串連起來，隱隱又好像可以連成一線，從Drugs dun work 到 the scientist，從喜歡到自由，從張愛玲到太宰治，從劉鎮偉到王家衛，從爰情轉移到一絲不掛，順手拈來，其實都離不開一個疏離。人與人之間的距離，可以走得很遠，我想我已走得很遠。有時候，我以為朋友很了解我，但忽然有一個場景一個剎那，他或他們的一句話，令你醒覺：原來還是不明白。又或是，其實他們很明白我，只是我不明白我自己。就像董啟章所說，作家都喜歡偽善，喜歡在寫作的過程中假反省。我不是作家，但我確信自己有此特質。如此一來，更是無路可途了。
.
最近在開始研究玩facebook，其實原因都離不開沉悶與寂寞。愈想大聲告訴別人自己喜歡甚麼、在做甚麼，彷彿愈悶愈空洞。New Feeds一下子便被蓋過了，Like與不Like也沒有明確訂明界線，諸多忌諱。想通一點，這並非露體狂與偷窺狂的遊戲，這只是一個塑造「值得大眾欣賞的胴體展覽」，那個胴體不是你的，起碼肯定不是你的全部。其實寫Blog性質何嘗不是？寫Blog到底可以走到多遠？可以寫「今天我自慰了三次，然後和人握手」嗎？又或是，其實生活並沒有甚麼值得記載，甚至乎，根本不懂得表達自己，甚至甚至乎，根本不懂得自己，然後就在Twitter的有限字數內，用寥寥數字，證明自己有立場有意見，潛台詞到底是我存在過還是我未死？
.
最近都在溫習日文，進度緩慢，看日劇時依然聽不清他們在說甚麼，其實很想看其他書，很想繼續寫作，很想寫兒童故事，但上司不允許，接著又要開學了，放低哪一樣？拿起哪一樣？可能通通都不重要，如果生命到明天就要結束的話。
.
我看著掛在睡房中的Lavina月曆，看到她那具有淫褻性的POSE，我沒有半點衝動，彷彿以為與村上春樹一起走到不用再用龜頭想東西的同步。但顯然這是錯覺。我們不明白的東西有太多，大家都只會不明白就不明白吧，也懶得量度自己和目標差異的距離，更惶論心存敬畏與學習之心。村上春樹之所以成功，是因為他是曾跑過超級馬拉松的人啊！所以我唯有依然很down to earth的在想：此刻的Lavina可好？

認叻

2010-04-27T18:57:00.002+08:00

．我唔係馬後炮，我一早已說，湖人對西岸隊隊都唔驚，最驚係Thunders，我睇左第四場，Thunder將個節奏推到仲快過爆旋陀螺，仲快過以前的太陽和小牛，真係嚇死人。其實Phil Jackson都醒，一開始就用Gasol同Bylum兩支巨搭打Thunder最弱既內線，但係就俾Thunder一輪急攻之下湖人自亂陣腳，加上Thunder的小三角Durant + Westbrook + Green發揮超水準，湖人係真係打到崩潰的。我認為Thunder中Durant係命脈，但第四場真係令球隊羸波的是Westbrook，呢條友打落仲fit過Kobe。對住Fisher呀Farmer一等人絕對如取如攜。Lakers要贏，一定要搵Kobe mark佢。進攻方面，如果Gasol Bylum同Kobe可以打到inseide out，都仲有機會進級既～
．除左Lakers vs Thunders有暗涌，最估唔到係小牛同馬刺既match up，大佬小牛係買左三個巫師正選坐陣，咁都輸真係無話好說，而家俾馬刺打出士氣，第七場當真指日可待。我都唔明點解第三場要出果個矮仔都唔出Butler。
．仲有仲有，最神奇莫過於Brandon Roy復出，我還是第一次看見有人做完膝頭手術8日後可以復出打波，而且仲要羸埋game 4！
．再見了，我最愛的Rose，我過兩日會去買你件球衣作為你今季打出超有型的一季致敬～玫瑰玫瑰我愛你～公牛今季最錯，就係將西門子俾左公鹿～換個費頓回來，真係廢的～
．最令我失望，梗係熱火啦～除左Wade一個之外，下年其他人全部落D LEAGUE啦～
．仲有仲有仲有，在讓Okur和俄羅斯人的情況下Nuggets依然輸，我認為係輸Dicipine（其實講波佬講的），George Karl o係度唔會教到大家打咩神奇既戰術，只不過Dicipine應該會好o的。而家教練不在大家就發晒臭脾四，輸絕對係自己羅黎。
．而家西岸頭4種子都有機會出局，今年Playoff First Round真係超級精采。
．我捧邊隊？梗係魔術啦～今年Round 3最可觀的，就是騎士與魔術的對碰！

個人意願加少少客觀分析

2010-04-18T05:32:00.011+08:00

16強之中，最橙係東岸Bucks同西岸Blazers，人地打波先黎落雨，佢地就臨playoff先黎傷。尤其是Bucks，Big man幾乎得Bogut一個，內線攻守都係得佢一個撐，而家無左佢就好似狄娜無左對波一樣，慘呀～
．
Blazers更唔使講，今年Brandon Roy飽受傷患困擾，無咩勁波打過，Blazers管理層今季雄心壯志，無左Oden之後立刻買個甘比，甘比亦能融入球隊協助球隊於季中時稍有起色趕入Playoff，可惜千線萬線線漏左Roy個波羅蓋(而我亦在買Roy定買Rose球衣的抉擇下捨Roy而去)……Playoff無Brandon Roy睇好可惜，只好俾老而彌堅的SUNS殘暴～
．
First Round最期待，梗係由Wade帶領既Heat打巢Boston呢隊世紀邪惡的隊伍～打佢老母～同埋打佢～
．
好睇既match up仲有Jazz vs Nuggets，最打隊Form既Jazz同最唔打Form既Nuggets對疊，兩個風格迴異的隊伍，到底邊個系統(教練)可以致勝呢？睇高Nuggets一線，因為佢地班友仔想進晉級的慾望比較強烈，難道Jazz唔想贏？其他人我唔知，Boozer我好有保留的，佢咁想離隊實打錫身波，我估佢有幾場波會笠水～
．
仲有，如果大家常規賽有睇過Lakers vs Thunders的話，你就知道呢個match up係有暗涌，Thunders的小三角(Durrant + Green + Westbrooks)是非常好睇的，我亦睇過好多次Durrant在常規賽的神奇演出，震撼人心，到底Thunders會唔會可以打死老師傅呢？最少逼Lakers打到第七場都過癮啦～

生而為人，我很抱歉

2010-04-06T22:49:00.008+08:00

廣末涼子有份參與的那齣電影快要在香港上畫，我在一個月前煞有介事的找剛要到台灣的好友買來那renew的結集《維榮之妻》，誰知一星期後香港就有售了(阿Mike我不是玩你因為我之前真係打過去三聯商務問有無呢本書，而當時的店務員聽到書名後的反應如神父聽到伽利略講地球不是宇宙中心一樣的驚訝並斬釘截鐵說從來沒有亦未聽過這本書的)。
.
這不是我第一本看的太宰治的書，我第一本看是他最後的遺作《人間失格》，買的是香港唯一能買到的台灣木馬文化版本，此機構專走年輕人路線，封面也是非常有型的，有點《麥田捕手》Feel，同女一樣，當外表包裝到貢靚的時候，就會有少少擔心入面個涵，結果……雖然未去到乃野，但有一種「硬係譯得唔係咁好」的感覺。當然要證實，就要找本原著看看，是時候跟牛油兄一樣要買本日文書邊看邊學日文了。
.
後來再買乘電影上cap水的短篇結集《維榮之妻》和大陸版的《跑吧！美樂斯》都沒有那種「譯得不好」的感覺，大概那個姓高的傢伙譯得不好是真的吧！
.
其實想說的是，看罷《維榮之妻》的文本，那比《色戒》更短的篇幅，那些如果只說情節出來會老土到爆的故事，第一個感覺是「不太適合改編電影吧！」，後來再聽說電影將會以妻子（松隆子飾）的角度去描述，表達一種「生活無論如何艱苦都要勇敢堅強活下去」的主題，我便更質疑，因為這是完全與太宰治背道而馳的態度啊！當然也可以好看（事實上好像也拿了很多獎），不過與太宰治那種「我為甚麼要進步？我為甚麼要向前走？」的態度比較，就不單是各自表述，直頭是各走一端。
．
喜歡太宰治，很簡單，因為大家都有自殺傾向，其實係人都有諗過死，爭在你常唔常諗同諗到幾入。我估我ok入的。還有，那個所謂無賴派，也即是一般被客觀形容的懦夫，也大概跟我一脈相乘。為何說是「客觀」？太宰治有這樣的解釋：
．
－－－－－－－
我偽裝成騙子，人們就說我是個騙子。
我充闊，人人以為我是個闊佬。
我故作冷淡，人人說我是個無情的傢伙。
然而，當我真的痛苦萬分，不由得呻吟時，人人卻以為我在無病呻吟。
－－－－－－－
．
我覺得太宰治最好看的，是《維》一書中的中篇《潘朵拉之盒》，以及《跑》一書中的《斜陽》。
．
我開心的時候，會想起張愛玲曾說：生命是一襲美麗的袍。
失落的時候，沒有想起丹布朗的符號，卻想起了太宰治的那句：生而為人，我很抱歉（うまれて、すいません）。
．
．
．
嬲怒的時候，特別是工作上面對上司低尻能的要求或指控時，會想對那位姐姐說：生而為人，我「登」你很抱歉。
．
日文點講呢應該。

那位與我齊名的人的趣怪照

2010-04-05T00:21:00.002+08:00

莊生曉夢

2010-04-03T06:32:00.006+08:00

人類的感情是，
當你唔喜歡一個人時，
那個人一旦露了破綻／遇上失敗，
你便會笑得特別開懷。
這跟幸災樂禍有點不同，
這是有對象性的。
偏偏我又是一個經常露了破綻和遇上失敗的人。
我近年開始害怕表露自己的感情，
柔弱的執迷的耐人尋味的也想一一收起，
所以最近寫部落格的次數少之有少，
寫的也是言不及義更不及內心肺腑的話，
就連看過一本書欣賞了一齣電影後的感想也懶得寫了，
既然有更多人比你看得更懂，
又何必在肆無忌憚的大發議論？
何況我最近在回想自己看書的狀態其實很不健康，
為了追回空白的廢過去，
現在其實都是在囫圇吞棗。
.
這能夠解釋我為何喜歡李商隱。
大概那群婉約的詩人，
都是在自己心情佳時便覺得世人好廢，
心情不佳時便覺得自己好廢吧。
又或是，
覺得世人好廢時，心情便佳，
覺得自己好廢時，心情便糟透。
而我最近是經常處於糟透的狀態的。
．
最好就是說一些義不及近乎萬事萬物的爛gag。
笑過了。時間便消耗掉。

讀日文這些年

2010-04-03T06:15:00.006+08:00

最近被朋友問日文，問到口啞啞，
我已厭倦了這半桶水的狀態。
看來是要努力的時候了。
將時間集中起來，少看書，少打機，少看電影。
多點拿notes出來溫習吧！
．
其實身邊很多朋友也可以不恥下問的，
就連日文老師也是我的老朋友之一，
我怎麼可以不好好努力呢？
．
與其經常埋怨被人串，
倒不如自已先好好努力吧！

笑死我

2010-04-02T12:36:00.003+08:00

同「將隻唱片反轉播,就會聽到魔鬼之聲」的效果一樣。
http://www.im.tv/vlog/personal/1417609/6445645

愛しあうことなく切ない過去になるの?
手をつなぐ勇氣さえも
見つけられないままで…

サヨナラなんて出來ないこのままでは
友達以上戀人未滿遠くで雨の氣配
泣いた方がいい急ぎ過ぎてるかな
屆かないこの想い
ひとりで途方に暮れてる私 …
曖昧な私たちここから何處へゆくの
この戀を諦めて
終わりにすればいいの
曖昧なままだから愛は消えてゆくの
結末を描かない
思い出ならば美しい

曖昧な私たちここから何處へゆくの
この戀を諦めて
終わりにすればいいの
曖昧なままだから愛は消えてゆくの
結末を描かない
思い出ならば美しい
.
跟住發現呢個仲好笑:http://www.youtube.com/watch?v=XhrCUkPUoBE

羞日遮羅袖，愁春懶起妝

2010-03-29T01:09:00.004+08:00

呢兩句係由唐代女詩人魚玄機寫的詩
．
亦即係《唐代豪放女》既女主角
．
之後兩句大家都聽過：易求無價寶，難得有情郎。
．

．
今日有線做～真係十分好睇～
．
我阿媽仲話佢以前同我老竇一齊入戲院睇
．
超勁～～～～～
．
．
．
夏文汐真係正到爆～～
有少少似阿嬌，而且係靚過果隻～～
．
正！！！！！！！
．

《贈鄰女》全詩：羞日遮羅袖，愁春懶起妝，易求無價寶，難得有情郎。枕上潛垂淚，花間暗斷腸；自能窺宋玉，何必恨王昌。
．
知多d：http://www.nownews.com/2009/11/08/350-2530398.htm

給我找個伴侶找到留下你的足印也可發展

2010-03-17T00:59:00.004+08:00

當我正尋回「天水圍四師奶有一個臨時甩底」這單新聞，跟住在想以她為出發點寫一個小說的時候；當我正準備以《愛麗絲網遊仙境傳說online》以告誡小朋友不要沉迷網絡遊戲時，我今天在《笑忘書》中卻讀到了這一段：

－－－－－
不論政客或是計程車司機、產婦還是情婦，也不論殺手、小偷、妓女、警察局長、醫生還是病人，各行各業裡，寫作狂的激增說明了一件事:人類無一例外，皆有成為作家的湣能，因此大家都可以理直氣狀地跑到街上大喊：我們都是作家！

這是因為大家害怕自己會隱沒在一個無關輕重的世界裡，沒人聽，沒人理，所以要趁著還來得及的時候，把自己轉化成一個世界，一個用話語堆砌而成的世界。

總有一天（這一天也不遠了），每個人都會發現自己是作家，當這一天來臨的時候，人類就會進入一個全面聾聵、全面誤解的年代。

－－－－－
那為甚麼我們還要寫呢？當大家都以為自己好有主見、諗野同其他人好唔同、自以為見解好撚獨特的時候，為甚麼還要寫呢？我恰巧地又看了張大春的《小說稗類》，我不知道自己是否進入了創作慾澎湃的年齡，要為自己「青澀的年代」留下痕跡，不過我估寫小說就如打飛機一樣，雖然未至於如卡夫卡般一生人圍住那三角形狂打，但久唔久打下應該都係有益身心的。其他時間，我指人生的其他時間，尤其當知道自己打飛機打得唔好睇時，我更甘心情願做一個CD-Rom。

－－－－－
雖然有心機說這些閒話，但其實最近發生很多大事，都是不如意的，分崩離析的。希望得到的與現實的總是失之千里。除了與朋友相處，最近我基本是處於一個非常意志消沉的狀態。朋友黎講，也是親疏有別的，有些甚至乎隱隱嗅到那陣幸災樂禍的氣味。對於那些「朋友」，除了敬而遠之，別無他法，唯有一疏疏到尾。

雖然是天蠍座，但也要提醒自己不要太記仇，倒不如想想那班幫了我很多的朋友，Fxxk Club的成員、幾位最親切的中學知己、還有謀面甚少的工作夥伴，竟然成為傾訴的對象。感謝你們。雖然講到好似生腫瘤要去做腦部手術一樣，但其實前路茫茫對於我來說多少有點慌張，就是明知自己才華不高時，要停站轉車，除了需要勇氣，還需要一點意見點醒。噢，好老土了，還是就此擱筆。夜深就是這樣，令人忽然姣起來。
．
最後，整隻呢兩日係公司聽足全日用來陶醉避世的歌：
http://www.youtube.com/watch?v=t0EG6pSwcBk
．
同樣是Christopher Chak加林夕，上次《愛情轉移》被tag中的是張懸版本，今次是原版陳奕迅。
．
好想好似初中年代咁post歌詞。
．
．
分手時內疚的你一轉臉
為日後不想有甚麼牽連
當我工作睡覺禱告娛樂那麼刻意過好每天
誰料你見鬆綁了又願見面

誰當初想擺脫被圍繞左右
過後誰人被遙控於世界盡頭
勒到呼吸困難才知變扯線木偶
這根線其實說到底誰拿捏在手

不聚不散只等你給另一對手擒獲
那時青絲不會用上餘生來量度
但我拖著軀殼發現沿途尋找的快樂
仍繫於你肩膊或是其實在等我捨割
然後斷線風箏會直飛天國

這些年望你緊抱他出現
還憑何擔心再互相糾纏
給我找個伴侶找到留下你的足印也可發展
全為你背影逼我步步向前

如一根絲牽引著拾荒之路
結在喉嚨內痕癢得似有還無
為你安心我在微笑中想吐未吐
只想你和伴侶要好才頑強病好

不聚不散只等你給另一對手擒獲
以為青絲不會用上餘生來量度
但我拖著軀殼發現沿途尋找的快樂
仍繫於你肩膊或是其實在等我捨割
然後斷線風箏會直飛天國

一直不覺綑綁我的未可扣緊承諾
滿頭青絲想到白了仍懶得脫落
被你牽動思覺最後誰願纏繞到天國
然後撕裂軀殼欲斷難斷在不甘心去捨割
難道愛本身可愛在於束縛

無奈你我牽過手沒繩索
．
．
．
路過蜻蜓　－＞　愛情轉移　－＞　一絲不掛　
都是一脈相承的。

HEAVY RAIN @ FXXK CLUB

2010-03-15T22:50:00.001+08:00

.
http://www.youtube.com/watch?v=N4yLSxV4eRc

Penny Lane and Summer

2010-02-10T00:51:00.004+08:00

今天晚上發生了好幾件事
.
首先我今天太掛住Kate Hudson的關係
.
5點鐘在公司打左個電話,約左佢7點半在中環HMV等
.
跟住回到家,就睇明珠台的《畢業生》,希望解開Summer為何哭的秘密
.
題外話一則,《畢業生》絕對不是一齣愛情電影。
.
跟住睇完之後,就拿出我心愛的《Almost Famous》BLU RAY出來,諗住同Kate Hudson見個面。
.
誰不知……
.
大家記唔記得邊個做男主角個家姐?????
.
.
竟然就係Zooey Deschanel!!!!!!!!!
.

MIRCALE!!!!!!!!!!!!
我要將這天定為奇蹟之日~
.
.
Penny Lane and Summer
Also like a song name for me~~~

所謂真愛

2010-02-09T00:14:00.013+08:00

就係無論變成點，都仲可以大喝一聲：「鍾意呀～～」
.
我上星期己經在HMV以80大元執左呢隻

．跟住今個星期睇完《NINE》 trailer，更加想買番《不日成名》的BLU RAY～

．仲想買番呢本雜誌～

.
讓我們一起回望她最好的時代:

http://www.youtube.com/watch?v=x0MfsBXqSq0&feature=related
.
.
其實，《Almost Famous》和《500 Days of Summer》的兩位女主角，對我來說，都有一個共通點。
．
就是有一個Scene（上面youtube條clip 00:55)當Kate Hudson好投入聽緊Stillwater那班垮掉一代演唱時，那份完全投入一件事的笑容，很迷人。
而男主角卻從來都只可以從旁欣賞這個笑容，永遠做唔到令佢投入的笑那一個。
.
還有02:01那個抱著一個人看著另一個人時的發現和錯愕，就像紫霞在城門上抱著心愛的人發現了一個怪人時的表情一樣，都很迷人的。
而怪人最後就只係可以得到一句形容：好似隻狗咁。
.
.
.
有無人可以借錢俾我買碟?

睇落很好玩, 但玩落應該很悶的遊戲

2010-02-07T12:44:00.004+08:00

http://taiwan.cnet.com/crave/0,2000088746,20137794,00.htm
.
因為玩玩下會諗:點解我唔即刻出去買鉺釣？
．
寫於本來諗住去釣魚點知落大雨唯有坐定定睇足全條片的星期日下午

@ 2009 AGS

2010-01-25T00:39:00.014+08:00

隔了兩個月才寫，件事都差d 唔記得晒。咁點解突然又寫呢？因為我最近見到月巴氏和鼻兄都頻頻update，抱住執輸行頭慘過敗家的心態，我都想update下「2009 AGS」和「2010曼谷之旅」，現在先來「2009 AGS」。

．

這是我最欣賞的一隊跳hip hop的女子組合，相當high school musical的，可惜我介紹她們時說錯了隊名。

就在我自怨自艾覺得自己好唔適合做MC的時候，12月頭機緣巧合下接觸了AGS大會，她們也正在尋找MC，本來以為她們只是想搵人hold cosplay比賽，誰不知原來搵大會司儀。雖知小弟恨做大會司儀已久，在幾乎沒有傾好價錢的情況下，我就已經應承了。

．

能夠和SCE的阿James同台，我夠膽講真係有今生無來世呀～～～～

咁當然大會司儀個名就好聽，真係要做既show其實唔多，因為大型show主辦單位一早已各自搵左MC，我主要係負責大會幾個重要function同埋一o的攝時間的show。雖然全日可能得一兩個show，但我都幾乎要全日standby，結果其實我四日加埋都只係做左6-7個show，包括bossini catwalk show啦、泰拳promote啦、cosplay比賽同表演啦，MISS AGS初賽同決賽啦，仲有最後的閉幕禮。

呢位就係MISS AGS冠軍……名已經唔記得左了。

咁講到最犀飛利的，當然是MISS AGS的比賽，因為個show除左我之外大會更找來人氣o靚模Lavina同我partner。能夠同現今最炙手可熱的o靚模一齊做主持，應該係繼我大學時期同Viann及謝西嘉一齊做MC之後最響噹噹的一次。

其實我講野，都應該真係有少少好笑的。你睇Lavina笑得幾開心。

咁講起Lavina，其實小弟從第一日到第四日對佢既感覺落差係非常之大，簡單黎講係由唔好到好，基於本人一向都係好有口德、隱惡揚善、每個月都會買《HIM》來看的謙謙君子，詳細情形唔講了，只係總括一句：「佢比我想像中對待做司儀一事認真好多。」至於當中的交合呀磨合呀果o的，只好留在心中了，就當我賣關子懶有野吧！

我認為Lavina最漂亮的第四天。

亦都好開心她公司的經理人Kenny在臨走一日大量送贈Lavina精品包括月曆及底褲一條給我，而家個月曆掛了在房，遭到火雞強烈反對，另外條底橫亦慘遭人毒手，而家不知去向。

．

能夠同我偶像杜如風合照，是我今次參加AGS最大的收穫。

除左主舞台之外，我亦有幫《GAME STATION》做左個WINNING ELEVEN既比賽，因為火雞重病的關係，我向SONY要求「不如求其搵條女比我做PARTNER啦」，咁結果又真係搵到喎，講起果條女就犀利了，我形容佢為「舞台上的神經刀」，其實佢事前已經提醒我，佢用唔純正的廣東話（我猜她是剛來港定居不久的內地人）問我：「我可唔可以在個台上講爛gag？」我好誠懇咁望住佢講：「梗係得啦，傻豬黎既～」跟住當我亙式on show旁述兩位參賽者的激烈對賽時，她卻突然間問我：

「你識唔識跳開心舞？」

「咩開心舞呀。」我當時真係醒唔起咩黎。

「有無搞錯呀，開心舞都唔識，係人都識啦，跳完d頭髮仲會棟L添呀～」

「咩棟L呀？」我己經開始feel到佢失控，內心笑到肚癴。

「棟L你都唔知？有無搞錯呀！你知唔知邊個跳開心舞跳到棟L？」

「唔知。」我樂意做下靶。

「賣成龍羅～」

「嘩哈哈哈哈～」我在台上真的笑到肚癴。

這是此女子了，我後來睇番playback，佢叫Lier。I Love Lier。

之後佢仲三番四次拿成龍的名字來開玩笑，令到在台上的我感到有點手足無措，心諗：「如果成龍係度，你咁大聲笑佢，佢一定唔會放過你。」大家唔好忘記，在我們以上對話的時候，參賽者係正在進行爭奪PS3的冠軍戰的。而我亦被佢那些完全同比賽無關的對話打亂了陣腳，連招魂返返主線回到比賽的能力也幾乎欠奉。

後來我終於知道咩係開心舞了，那是一個精神康服者的廣告。

我的前上司林勇先生稱此女子為「永高於舞台上第一次遇上的高手」。I agree with him，論癲論大膽奔放，我都輸了。起碼我驚得罪成龍大哥。

和另一o靚模Rainbow同台。噢，佢地唔鍾意人地叫佢地o靚模的。

舞台上的主要是這樣了，舞台下要數最開心的，就是和我偶像杜如風合照，她真的很正，我也有看了她做那個now TV的開幕禮，她全程淡定有錢淨，又間唔中彈兩句自己野，全程剛柔並重大體有禮令我拍案叫絕，你話人生能夠識到一個好似佢咁既異性朋友就真係開心到震了。識唔到佢，唯有影張相啦。

這位Miss AGS參賽者主動叫我和她在台上不理on show眾目睽睽下公然合照。

好多Cosplayer扮韓國女子組合少女時代。這是極樂鳥那一隊。

仲有見到幾粒星幾個model啦，我仲在藝員休息室邂逅疑似Kama，不過我唔肯定係米，連Kama都認唔到仲話自己鍾意，屎呀；仲有就係撞番好耐無見既阿幽同小藏啦，我仲因為太得閒既關係，煩左佢地成個下午，感覺上，大家也成熟了，能夠在舞台上再有機會介紹她們出場，在台上做些interaction，是我hold cosplay比賽感到最高興的事。

這個pose令我回想我還是一位「單沙」的年代。

最後要多謝阿豪同阿EMI兄啦，幫我留下倩影。總結來說，我也並不是很滿意自己的表現，決賽果度頒獎好亂，結幕禮更是差到無朋友，相比來說，在12月頭幫BUDA GPA於元朗劇院做的那場MC要好得多了，可惜我到現在都未有機會睇番自己playback。其實近年攸MC的機會已少了很多，直到最近才發現，自己其實好易緊張，一緊張，個show就做得唔好。

你睇我呢一身裝束，就知唔係我自願啦，紅紅綠綠很熱鬧，上衣由BOSSINI提供。

在台下等上台的一刻。

寫完頭先段野之後先覺得自己好白痴，呢個道理，三歲都明啦。

很有故事性的一張相

2010-01-08T15:39:00.002+08:00

2007年7月11日晚19:20，在中科院水生所白鱀豚館裏，江豚母親因產後消化系統疾病病逝,科研人員傷心落淚。江豚母親叫“晶晶”，它從湖北石首天鵝洲白鱀豚自然保護區引入白鱀豚館飼養 8年了，它先後於2005年和2007年相繼成功生産2頭小江豚，創造了長江江豚在人工條件下自然繁殖的世界首例。長江的污染和過度開發，造成了長江江豚數量的驟降，也是造成長江江豚母子悲劇的原因。

第二壇

2009-12-06T01:22:00.003+08:00

http://hk.lifestyle.yahoo.com/leisure/culture/article.html?id=art_4b065136

本身條題係「與你敦倫馮德倫」的。

講笑講笑。

我發現自己幾鍾意做星訪喎好似。
.

小田切讓煲湯派街坊 & 器官捐贈中心

2009-10-22T01:12:00.001+08:00

爆型~~張相!!!!!!!!!!

但其實除左條題之外, 內文無咩係我寫完覺得好的。

老土啦主要都係~

Marin兄 d 相最好~

http://hk.lifestyle.yahoo.com/leisure/culture/article.html?id=art_4add32d2

張懸鼓勵大家

2009-10-21T02:30:00.003+08:00

她說才華不是世界上最後一樣讓人家記得你的東西
.
而是你用心付出了多少, 用心留下了甚麼
.
這很適合完全沒有才華的我
.
很心靈雞湯甚麼的
.
http://www.youtube.com/watch?v=f3U-OvqeM2E&feature=related

出少句聲無人話我啞

2009-10-21T00:08:00.002+08:00

罰copy and paste 一百次
出少句聲無人話我啞出少句聲無人話我啞出少句聲無人話我啞出少句聲無人話我啞出少句聲無人話我啞出少句聲無人話我啞出少句聲無人話我啞出少句聲無人話我啞出少句聲無人話我啞出少句聲無人話我啞出少句聲無人話我啞出少句聲無人話我啞出少句聲無人話我啞出少句聲無人話我啞出少句聲無人話我啞出少句聲無人話我啞出少句聲無人話我啞出少句聲無人話我啞出少句聲無人話我啞出少句聲無人話我啞出少句聲無人話我啞出少句聲無人話我啞出少句聲無人話我啞出少句聲無人話我啞

唔夠一百次

沒有用的人

只能回家後悔

聽聽歌

讓生命隨著日子走

很無力很無助的

http://www.youtube.com/watch?v=Cg3ZlzBMpHQ&feature=related

廢廢廢廢廢廢廢廢廢廢廢廢

盡快原諒自己

2009-10-13T01:43:00.004+08:00

靠這個: http://www.youtube.com/watch?v=Tuj9YD_5uEc&feature=related

.

張懸同我講, 錯唔緊要

.

因為the show must go on

.

the live show

.

the life show

.

同埋

把一個人的溫暖　轉移到另一個的胸膛　讓上次犯的錯反省出夢想

每個人都是這樣　享受過提心吊膽　才拒絕做愛情待罪的羔羊

台灣, 勝在有張懸

.

同埋張大春

.

同埋龍應台

悔過書

2009-10-13T01:27:00.004+08:00

平時成日認屎認屁, 以為自己做MC好叻。
結果在我最好最好最好最好朋友的婚禮中, 我失手了。
今天晚上不斷後悔中,
第一part做得唔好, 乳豬未上時, 我可以下台問兩位新人爸爸媽媽的感受,
係我無急才
為何到最重要的時刻
我次次都因為緊張而做得不好呢?
結論好明顯係: 我有夠廢的!!!!
唔識做婚禮MC~
我屎爆~~~
好唔開心!!!!!!
.
雖然講咩都無用，但我都要講
李漢威我對你唔住!!!!!

談寫小說

2009-10-10T00:24:00.004+08:00

看了今期《明周》黃碧雲的訪問，小說未看先追著看訪問，好明顯係鍾意佢個人多個鍾意佢既作品，鍾意佢個人d咩呢？夠型啦我估應該係，邊有作家話自己唔想咁多讀者架？要感謝月巴氏，知我鍾意拿書給我。謝謝。
．
睇完之後，就好想寫篇blog。
．
因為有咁岩得咁橋地，我又岩岩寫完小說，尋晚同亦師亦友的阿鼻兄用左一小時在msn上給與我意見，要知道呢個世界上你寫左篇小說有朋友願意睇係幾咁難得既一件事，而呢位朋友同一時間有兩條戌利寫完小說都塞俾佢睇，而佢又肯睇喎，你話幾難得？
．
因為讀書的關係，我寫左幾篇類似小小說既物體，交功課的，老師是張大春，亦因此寫的時候零舍醒神，好想寫一篇好的作品出來。結果到目前為止，我寫左三篇，一開始的那篇叫《晚殤》，之後畢業論文暫時寫左兩篇，一篇叫《他殺了那女孩》，另一篇叫《那個女孩死掉了》，之後會交多一篇，組成「女孩三部曲」。
．
第一篇逼過Pauline同月巴氏看，第二篇逼過月巴氏和阿鼻看（因為個concept其實係阿鼻的），結論係悶到大家抽筋。再根據火雞既描述，火雞最怕睇字，所以一篇都無睇過，不過佢總結我每次寫完之後既情緒，就係一寫完之後好滿意，之後就覺得篇野好差好悶好不知所謂。諗落，我又好似真係咁皮的。起碼，我而家真係覺得頭兩篇好差，而前兩日完成的那篇《那個女孩死掉了》ok幾好。
．
最開心既係，連阿鼻都話ok，要從佢口中得到ok呢兩個字，難能可貴，雖然佢話因為比較之前果篇，呢篇好左好多，但唔理，總之咩人情分進步分主觀客觀撈埋一齊，有「ok」呢兩個英文字真係令我開心到震。古乳有雲：阿鼻講ok，難難難，難過李白行蜀道。
．
跟住佢比我既評語，更係準到無朋友，佢話我好容易投入一件事，之後好快咁落手落腳實行，但果份投入又好快完，所以會求求其其搞店埋佢。我好驚訝，因為實情其實唔係識左好耐，但點解可以咁了解我架呢？係「連我自己都唔知自己係咁，俾佢講完又覺得自己完住係咁」的果種野，你話幾得人驚？係米我太單細胞易被人看透？定係佢勁呢？
．
咁點解我要寫呢篇野呢，其實我想講一的好白痴既野，就係：點解要寫小說。其實我好細個已經想做作家，但而家已經完住放棄呢個諗法。甚至認，為點解而家可以死咁多「作家」出黎。而家寫那幾篇野的心態是：好想完成一個屬於自己的作品。一開頭都有痴心妄想可以寫一篇受大家歡迎的作品，陣間唔覺意拿個文學獎就更巴屎閉！不過當我寫左呢幾篇小小說之後，我發現成件事唔係咁！原來好老土的：寫小說，其實係一個認識自己的過程。你想present o的咩俾人，你想點樣present自己，你要表達o的o羊。再down to earth　o的黎講，就好似你寫一個故事，要做資料搜集，跟住當寫出黎仍然係好低尻能的時候，你會發現你除左資料搜集不足之餘，更重要的是其實自己常識非常缺乏。當你寫o的情節好牽強但係你又俾佢過的時候，就是你自己人格上有o的逃避又或求其側側博的陰暗面……諸如此類，回過神來，這才發現，原來自己係咁的。
.
而黃碧雲的那篇訪問，說的其實都是這個過程。她享受寫的時候的快樂，寫完之後唔想理自己的作品，亦不翻看。我不敢說自己像她，但有這樣一種意識。我很清楚自己不是作家這塊材料，不過既然有一個契機，就好好把握，趁還是個有把細火的讀緊書的中坑，有個天大的作家焗住做你指導老師，更重要的是有兩三個朋友願意看畢你的作品給與你意見，就試下寫啦。起碼第日死左，大家想懷念我又或者認識下我的時候，都叫有o的渣拿。
．
接著的第四篇，如無意外，真的是最後了。
．
p.s.寫於明朝李漢威結婚要6:00am起身做兄弟的深夜。

你是人間四月天

2009-10-09T02:10:00.005+08:00

我諗身邊無咩邊個朋友鍾意周迅

更加無咩朋友知我曾經極度迷戀周迅

那是我還是讀中一中二，亞視播《人間四月天》的時候被TAG中的。

如果我無記錯，好似果時係做完《幪面超人BLACK》之後做的。

而家那些甚麼《如果愛》、《畫皮》、《風聲》，請通通行開

還番飾演林徽因果個周迅俾我。

我說你是人間的四月天，笑音點亮了四面風；輕靈在春的光灩中交舞著變。你是四月早天裡的雲煙，黃昏吹著風的軟，星子在無意中閃，細雨點灑在花前。那輕，那娉婷，你是，鮮妍百花的冠冕你戴著，你是天真，莊嚴，你是夜夜的月圓。雪化後那片鵝黃，你像；新鮮初放芽的綠，你是；柔嫩喜悅水光浮動著你夢中期待的白蓮。你是一樹一樹的花開，是燕在梁間呢喃──你是愛，是暖是詩的一篇，你是人間的四月天！

．

我要呢o的：http://www.youtube.com/watch?v=jIQzMB9UkSM&feature=PlayList&p=5B90EAFD339E98B3&playnext=1&playnext_from=PL&index=1

唔要呢o的呀：http://www.gamespot.com.cn/videos/2009/0922/113105.shtml

又聽

2009-10-02T23:22:00.002+08:00

http://www.youtube.com/watch?v=tyibra0FQBA
片段中有些散落
有些深刻的錯
還不懂這一秒鐘
怎麼舉動
怎麼好好地和誰牽手
那寂寞有些許不同
我挑著留下沒說
那生活還過分激動,
沒什麼我已經以為能夠把握
而我
不再覺得失去是捨不得
有時候只願意聽你唱完一首歌
在所有人事已非的景色裡
我最喜歡你

片段中有些散落
有些深刻的錯
就快懂這一秒鐘
怎麼舉動
怎麼好好和你過
那寂寞有些許不同
我挑著留下沒說
那生活還過分激動,
沒什麼我已經以為能夠把握
你知道
你曾經讓人被愛並且經過
畢竟是有著怯怯但能給的沉默
在所有不被想起的快樂裡
我最喜歡你
.
而我明白覺得失去是捨不得
有時候只願意聽你唱完一首歌
在所有人事已非的景色裡
我最喜歡你
而我不再覺得
而我不再覺得...

please please please let me get what i want

2009-09-25T23:06:00.004+08:00

http://www.youtube.com/watch?v=PFZ7326-9k0&feature=related

唱盡一切蒼涼的The Smiths

．

如果有幸能碰上世界末日

．

ipod內播著這首歌

．

感覺一定最好

如果可以的話

．

世界末日前一天

．

可以多看一遍《500 Days of Summer》就更好

．

一個人的，靜靜的，可以流一點眼淚的。

哀莫大於一個喜劇漫畫家自殺

2009-09-20T11:08:00.003+08:00

臼井儀人的死，令我想起WATCHMEN裡面Rorschach講過既一個OLD JOKE:

一個受精神困擾的病人去找醫生，說自己很不開心，受欺壓，成個世界都陷害佢，醫生話：唔緊要，對面街口有個馬戲團，你去睇小丑表演啦，小丑好出名，表演好好，睇完實開心。跟住病人話：我賣果個小丑o羅。

good bye mary

2009-09-18T00:08:00.004+08:00

我同peter, paul & mary唔係太熟
.
但係在youtube搵緊佢d歌黎聽的時候
.
忽然找到這隻好耐之前聽過漁火閃閃歐瑞強唱過的這首歌
.
之後o係度諗
.
如果我有一日唔做
.
我一定會在每星期一定要開的那個會中
.
拿著結他
.
然後唱這首歌
.
超渡大家
.
http://www.youtube.com/watch?v=TKixLV0yJuE&feature=related
(搵唔到原版, 聽住王愛明版本先)

真係要唱番首友情歲月

2009-09-14T23:01:00.002+08:00

到底我何時才懂得面對壓力
.
幸好我有朋友
.
幸好朋友總不嫌棄我
.
工作的吃喝玩樂的
.
一樣重要
.

請你食飯與肚餓

2009-09-08T22:46:00.007+08:00

朋友是一位型人，無論外表、嗜好、工作、談吐、舉止，連打波都超型。
那天晚上，我和他傾電話，結果我們說了半晚世界上最涼的說話。
無非是為了一個女人。
．
與其無說話好講，不如背下對白過日晨。
．
．
．
越想知道自己是不是忘記的時候，反而記得越清楚。我曾聽人說過，當你不能夠再擁有，你唯一能做的，就是不要忘記。

從那以後，再也沒有人見過慕容嫣或慕容燕，多年以後，江湖上出現了一個劍客，她只對著自己的倒影練劍，她有一個奇怪的名字，叫做孤獨求敗。

我走的時候，那個女人的眼淚在我臉上慢慢乾了。不知道另外一個女人會不會為我流眼淚。

以前我聽人說如果刀夠快，血從傷口噴出來的時候會像風聲一樣很好聽，想不到第一次聽到的是我自己流出來的血。

有一天看著鏡子，才知道自己輸了，在我最美好的時候，我最喜歡的人都不在我身旁。

這地方沒有桃花，桃花只不過是一個女人的名字。

人最大的煩惱，就是記性太好，如果什麼都可以忘掉，以後的每一天將會是一個新的開始，那你說這有多開心。

有些人是離開之後，才會發現離開了的人才是自己的最愛。

一個人受到挫折，或多或少會找個藉口掩飾自己。其實慕容燕、慕容嫣，只不過是同一個人的兩個身份，在這兩個身份後面，躲藏著一個受了傷的人。

知不知道為什麼我請你吃飯？因為我知道你肚子餓。

為了一個雞蛋而失去了一隻手指，值得嗎？
不值得！但是我覺得痛快，這才是我自己。
．
每個人都會經歷這個階段，看見一座山，就想知道山後面是什麼。我很想告訴他，可能翻過去山後面，你會發覺沒有什麼特別，回頭看會覺得這邊更好。但是他不會相信，以他的性格，自己不試試是不會甘心。

為什麼要到失去的時候才去爭取？既然是這樣，我不會讓他得到。

．
．
．
今個星期六，有線電影台慢慢背。

http://www.youtube.com/watch?v=aqWHI8pL5LI&eurl=http%3A%2F%2Fwaipui%2Emysinablog%2Ecom%2Findex%2Ephp%3Fop%3DViewArticle%26articleId%3D1644961&feature=player_embedded

.
我似唔似寫手?

魯迅都未生埋

2009-08-26T00:09:00.002+08:00

我唔係想扮魯迅
不過深圳妹索K 果條片真係非常恐怖
睇到我毛管棟
.
其實女仔咁細過, 腦筍未生埋好正常
500蚊只是用來增加這宗事件的諷刺性
我覺得最癲果個係諗遊戲出黎果個
同埋身邊睇住佢玩那班人
.
長長的一條K軌
可能稍有常識的「觀眾」都有覺得唔對路
不過就是沒有說出來
這不是《吶喊》是甚麼?
.
睇條片根本就係睇住個女仔死
其恐怖程度不下於我數年前看過的以色列斬美軍人頭片段
.
講到咁, 當然要分享下:http://www.facebook.com/video/video.php?v=116565189386&ref=mf
.
落地獄啦大家一齊~

估唔到

2009-08-07T15:47:00.000+08:00

估唔到~連法新社都玩埋o的我個層次既食字。

too 偏激, sometimes 扮o野

2009-07-25T09:59:00.003+08:00

因為呢篇野too 偏激, sometimes 扮o野, 所以在刊登時被改至面目全非, 係全非果隻。基本上我唔會再認為果篇野係我寫, 所以, 唯有, 放在這裡。
.
其實諗深一層, 寫成咁, 邊有可能會登。

.

(引文)
因為NBA休季，所以趁住兩個月空檔，寫下同GAME壇有關的事。今期先來討講得如火如荼的o靚模。正所謂執輸行頭慘過敗家，此文見街於書展開波日，都總算執番個尾彩。

其實我好鍾意睇《真情》
大家可能會問：o靚模同GAME壇有咩關係呢？大家以為無就錯了！皆因最近香港既SCEH同MICROSOFT頻頻搵佢地擔任各大小EVENT嘉賓甚至代言人，以前曾經在遊戲界火熱的TWINS呀宮恩娜呀全部都消失得無影無蹤。正所謂靚女人人愛，搵佢地做GUESS除了惹來一大班途人和龍友到場，最重要係一眾娛記第二日一定大大版刊登報導。無他，o靚模乃全城熱話，我就親眼目睹在某首映中家燕姐同o靚模幾乎同時到步，而傳媒則一窩蜂擁到o靚模身旁，只有無線收費台繼續同家燕姐做訪問。此時我心裡不禁嘰咕：「家燕姐，其實我好鍾意睇《真情》的。」

必買，唔駛排隊的話
話說回來，近日有不少網友大肆反對o靚模進駐書展，雖然我無睇過反對的論點，不過斷估離唔開大家認為書展乃文化集散地，而唔係賣寫真集的地方，根據網上二元簡單思維邏輯分法，買寫真集的朋友即刻被標籤為無文化無修養的眼淺人頭豬腦大傻瓜。大家甚至有如此假設：o靚模本身無文化無涵養，所以鍾意她們的人都同樣「無文化無涵養」。基於反叛既心理同埋流住電車男既血，我即刻想去書展買本o靚模寫真集，如果唔駛排隊。

雙雙雙雙雙碩士學位
這裡又回到「o靚模」的定義問題，o靚模和一般的模特兒有甚麼區別？俗語有話青春無敵，樣靚身材正受歡迎在我來說同太陽從東邊升起一樣合理。同埋她們的職業本來就是模特兒，行CAT WALK出SHOW拍廣告，面孔身材就是她們的魅力所在，也是她們一切，如果我目睹o靚模拿住本《生命中不能承受的輕》，可能我才會真係不能承受。如果你硬係要：「唔得就算鍾意偶像都要個偶像有修養，唱歌好似學友咁喉嚨上下擢下擢下先叫識唱歌的話」，OK，咁你鍾意Lily Cole啦，人地雙雙雙雙雙碩士學位。同埋我死硬添啦，我鍾意Kate Moss，Kate Moss出名鍾意吸毒，咁我算唔算反政府？

眼睛吃冰淇淋
基本上，討論o靚模為何大熱是一門社會學問題，例如o靚模在香港大熱是否社會普遍反智。不過我更認為網上反對o靚模的聲音更缺乏包容性，又話咩國際社會大都會，書展的人排隊買寫真拿簽名真係阻住你？就算係都只可以怪會展場地安排不周，你要安靜慢慢揀書，一連七日的書展，龍友粉絲們總唔會一連七日「得」住你。甚至乎，你真係鍾意睇書，根本就唔需要去書展。總結而言，香港兩大遊戲宣傳部請繼續搵o靚模做代言人，我很「無文化無涵養」的，我只愛眼睛吃冰淇淋。

寫到金庸武俠小說一樣

2009-07-16T14:39:00.001+08:00

八旬翁圖姦菲傭囚2年事敗哈哈大笑拋下百元離去
(明報)2009年7月15日星期三 05:10
【明報專訊】八旬翁「色心未泯」，乘與菲傭獨處一室，企圖強姦對方，事敗後仍哈哈大笑，拋下100元後離去。老翁昨於高等法院承認企圖強姦，法官直斥他趁機侵犯一名五子之母，必須判囚，惟考慮他年邁，減刑至入獄2年。
被告黃栢森（81歲）原被控一項強姦罪，昨改認企圖強姦罪。暫委法官龍禮指責他向已婚37歲女事主大佔便宜，乘她留宿大舉侵犯；但考慮他認罪及年老，把刑期由4年減半至2年。法官又指出事主本向家鄉父老借款逾3萬元以來港，事發至今一直未獲被告一家解約，令她未能覓得新工，着他們盡早解決。
官考慮年邁減刑一半
控方透露，女事主目前失業，因案滯港9個月，目前只靠社署和來港當女傭的胞姊接濟。辯方求情稱，被告於1988年退休，事發時與任職紀律部隊的兒子、媳婦和3歲孫兒同住，妻子則入住老人院多年。被告因一時衝動犯案，並已就事件公開道歉。
案情指出，女事主於去年7月到任，同年10月10日下午2時半，當時與黃翁獨處一室的她正在房內整理衣物，黃突把她推在牀上，用力握緊她的雙臂，再拉起其上衣和胸罩，女傭大驚，以英語大叫「爺爺，爺爺，不要」，惟黃未加理會，脫去雙方褲子，幸他觸摸事主5秒後已告體外射精，事後他哈哈大笑，硬把100元交予女傭後離開。
女傭不甘受辱，向胞姊和警方舉報，其後被告遭拘捕，警誡下他聲稱雙方同意下發生性行為，但因女方「躺得不好」，他未能成功性交，而付鈔只欲她用來「買糖吃」。

我覺得好好笑

2009-06-20T11:42:00.003+08:00

星沉海底當窗見　雨過河源隔座看

2009-06-03T23:01:00.006+08:00

碧城十二曲闌幹，犀辟塵埃玉辟寒。
閬苑有書多附鶴，女床無樹不棲鸞。
星沉海底當窗見，雨過河源隔座看。
若是曉珠明又定。一生長樹水精盤。
碧城三首（其一）

.
冥冥中自有主牢
.
近期才看的《她從海上來》將我最喜愛的詩人和作家連在一起
.
又都是真事
.
我也在寫一個故事
．
一個關於落單、公寓和掉橙皮落街的故事

是日本人橡膠高電車之旅(下)

2009-05-25T01:23:00.015+08:00

在台場巧遇《21世紀少年》

七年前第一次自己去日本，那時大概是八月的日子，去到唔知點解得果十一二度，落機第一件事做就係走左去無印買衫。七年後的四月，都係十一二度，今次更過份，短TEE短褲涼鞋，星期五晚其實已經買左條紅色運動褲，穿上後走到新宿街頭卻史無前例的感到不好意思起來，感覺好像著住條單車褲入葡京一樣。結果星期六一大清早還是走入UNIQUO重頭到尾執一劑，順便買多兩件TEE當手信送俾自己。
．
星期日的好天氣觀光船之旅告一段落後，在台場只吃了個鐵板燒作午餐便撇，回到香港後才記得應承左馮修拍《一個幾毫續集之守護她的51種方法真人版》，唯有等下次。離開台場，二人便匆匆忙忙趕赴這趟旅行咬牙切齒誓死必到之地－－秋葉原。
.
為甚麼那麼想去秋葉原呢？因為自己叫自己做電車高，唔去好似緊負唔起呢個名既重擔。回想七年前，我和雞也有到過秋葉原，不過大家當時零亢奮，因為唔識行，到今時今日，阿雞很識時務的提醒我：「在這七年中，你電車化了！」我心諗你當戲謔我當讚美，還是朝聖最實際。
.
講到咁亢奮，實際呢，寶際都只不過係行行逛逛，Windows Shopping 多買野少，見到某些珍品讚嘆兩句跟住走頭。要數最難忘，應該是興之所至走入了一間MAID CAFE。因為無聊，我們在街上作了很詳細的評審，最後揀了一間偏僻但仍然有五六個麻甩仔排隊的。等了半小時左右終於入得，格局不大，分為兩邊，近門口那邊是一個長而窄形的三面BAR檯，右邊是三四張少少的四方桌，可以從落地玻璃看到秋葉原的人在走來走去（CAFE在三樓）。
.
我們坐低之後，不同的女僕就會在BAR檯中間的走廊走來走去，同你講下規則推介下MENU然後落單，當佢遞杯野埋黎的時候又會同妳UP一大輪野然後用兩隻手做個心形隊落杯野到，嬌滴滴地說聲：「愛心～注入」，我即刻諗起《野豬大改造》的那一句「NOBUTA POWER～JIL NIL～」簡直想即時表演，不過因為要顧全遊客的身份而將瘋性狠狠厭抑住。
.
突然，成間CAFE既燈突然熄晒，連音樂都轉晒，搞咩呢？原來有兩條麻甩仔嗌左最貴既蛋包飯套餐，跟住成間野所有女僕就拿捧住碟蛋包飯，用茄汁寫佢地個名上去，然後來一張大合照。跟住我即刻同阿雞講：「ｘ～咁正總之我都嗌啦～」不過後尾睇番餐牌都係收番：成個蛋包飯連影相一條龍服務盛惠二百多元。最驚既係，佢地兩個在15分鍾後又嗌多碟超級薯氣套餐……去一轉MAID CAFE夠在香港去兩轉CLUBBING。結果，我同阿雞都係俾左30大元影左張POTRAID就閃。
.
在東京的最後一個晚上，我們走到了涉谷，在地鐵站放低o的野之後阿雞堅持要食燒餅，入到去之後硬係覺得七年前黎過，阿雞就話無，不過比七年前好的是，我比較睇得明餐牌，然後就趁佢地臨打样前拿拿淋燒熟果兩件餅幾條菜。一邊吃燒餅應該要一邊喝啤酒一邊吸煙才快樂，因為和阿雞在一起的我從來不喝酒，所以我只做了後者，忽然覺得原來放假去旅行先可以一邊食煙一邊飲酒才有「旅行FEEL」，諗到呢度真係要歸功曾．蔭權喎又。

吃完晚飯後帶著一身油煙味走到一旁的大型影視店加書店，行行逛逛的走了差不多兩小時，全因過程中因為決定買唔買一套由蒼井優做的電視劇好而磨蹭，磨蹭是因為價錢要成20000日圓，幾乎成港幣1600元，差唔多成張機票咁濟。因為我被中國內地市場縱慣了的關係，所以最後只好放手。幸好最後在中古市場被我平平地執到隻《FUNKY MONKEY BABYS》，回來之後看他的MV的確超正，火雞最愛也！
.
這天買了一袋二袋之後，忽然像醒了一醒的覺得：其實根不不需要來東京啊！我所喜歡的日本，在旺角信和也找得到。 (待續)

是日本人橡膠高電車之旅(上)

2009-05-14T00:25:00.020+08:00

基於人去我去、人有我有的心態，火雞看到身邊朋友個個話去旅行，又見到o的雞票鬼死咁平，咁就在好倉卒的情況下買左機票，一個月都唔夠就出發。

．

今次旅程由始至終都係火雞一手策劃，我只負責提供平機票渠道。在此特別要發聲明發埋禮炮鳴謝大學好友、2004年度最佳新晉演員銀獎、《一個幾毫》飾演祥祥豬的馮敬修。此人與我識於微時，即係唔知邊日突然大家講起原來讀埋同一間幼稚園對番相發現「咦賣臭係果條戌利o羅」咁～多謝你的資料提供，我欠你隻碟，「總有一日會『燒』番俾你既～」

我的行程是24/4-27/4，星期五到星期一，相當緊密。星期五去到酒店五時正。第一眼見到間酒店真係嘩左一聲，因為記憶中真係未住過貢大間酒店。雖然好多人包括我自己都認為你去旅行都唔會留在酒店架啦貢大FOR WHAT，不過既然而家用庶渣既價錢住到燒鵝既內臟，加上全部都由火雞一手策劃，我沒有SAY NO的理由。而且，為左呢間酒店，我地決定每晚都早一點回家，然後一邊打開個電視一邊嘆買回來的消夜，OK蔡瀾的。

既然星期五早左到，我地就照原地計劃（定係無照呢？）去左有瓦遮頭的六本木，順帶一提，我們的行程plan得相當簡單，就是只MARK了要去邊個區，無特定話一定要去邊間店邊個景點之類。話晒七年未來過東京，我們先在新宿行街－－是真的行街，從酒店的三町目走到火車站，看到EPSON標誌才發現自己原來同七年前BOOK的那間酒店其實相距不遠，因為走的原來都還是那條路。跟住去了六本木，去得六本木，當然想去佢地個博物館，不過去到加埋跌跌撞撞，離博物館關門時間已不多於一小時，「算吧啦～」，唯有繼續在MALL在跌跌撞撞，之後再上了六本木五十幾層高的觀景臺一覽東京夜景，對住個鐵塔時好想唱《東京鐵塔》主題曲。

呈環形的觀光臺人數並不多，而且更幾乎沒有外國遊客，所以心情特別釋懷，無無聊聊的行埋下面個村上龍黃一飛一干人等的藝術商品店待了差不多一個小時。看著那些唔係話好靚但又有小小心動令你想買野的藝術商品店，真的很想為日本政府拍手掌，相比香港的藝術發展局和只懂起嘖水池的城市規劃，除了爆粗我無話可說。走得累了，便回家看電視。事實上，一連三個晚上也是這樣過，和在天水圍沒有太大分別，只不過看的是令我更為亢奮的日本節目吧了。

第二天神算火雞早已在香港CHECK了東京天氣，判定「星期六這天一定會落雨，聽日就唔落啦～」，我一向都唔太信天文台，仲好沙塵咁講「有無咁腫呀～」，點知星期六雨就如狗屎一樣把我的口洗刷乾淨。屌！日本連天文台都準o的乎？咁岩我前一晚又在地鐵站廣告板看到原來兩國正舉行「手塚治虫展」，落咁大雨當然要去室內地方玩下啦～

到達目的地，因為大雨真的相當滂沱，展場人數並不多，不過入到去先知「EXHI如此多FUN！」(EXHI=EXHIBITION)。展覽真正鉅細無遺地展出每一年手塚從三歲到六七十歲與漫畫生涯有關的物事，從小學的昆虫標本、畫了圖畫的習作簿、中學時亂畫一片但仍然鬼火咁靚的手稿，到常盤莊的生活照、真正推出漫畫時的鉛筆稿、彩稿、illustration、到後來拍成真人版特撮片時的道具；從最早期的小飛俠卡通，到就黎上映由香港人做的3D版小飛俠TRAILER，應有盡有。我雖然未去過在隔鄰寶塚市的真正手塚沿虫博物館，不過這個展覽已經的的確確令我大開眼界。之後我們繼續行樓下的博物館，再到涉谷旁的自由之丘吃蛋包飯和還有十分鐘便關門大吉的DESERT FOREST買甜品，由於橫風橫雨，不贅，玩得不大過癮就是，還是回酒店看電視。

．

第三天是我們嚴密佈防的一天，結果天文台相當準，那天除了墾丁之外，連日本都好Q天氣晴。火雞相當自滿兼自豪，我找不到理由掃他的興，便照昨天找回來的leaflet在10點又跑到兩國搵碼頭，在河邊巧遇《二十世紀少年》那個神仙的住所，仲被一個貌似神仙的跑步者老點行左相反方向，最終也有驚無險上了船。坐這艘船的最大原因，是因為小弟看完《蜂蜜與四葉草》之後電車毒發作，暗暗立下人生裡面死前一定要坐一次否則溝女溝到精盡人亡的毒誓。

至於這艘船的第一個奧妙之處，第一是船上沒有外國遊客，只有零落的一兩個帶著小朋友的日本家庭，小朋友還會在甲板上作即興免費表演；第二是你可以上夾板吹風看風景，沿河兩岸的矮屋和高樓錯落並置，惟一的共通點是與生活古兜溫泉一樣做到舒適、恬靜、幽閒！你唔會見到JR果種人夾人人肉列車狀況，只會每隔半分鐘見到一兩個人沿河的跑道或者跑步或在早操或在放狗，因為星期日的關係，西裝被消滅了！跟住見到引水道出現分叉，分叉的中央是幾幢中層的住所，住所對著河中心的那個view，是李嘉成在香港有錢都買唔到的。整個感覺，漂亮得就像《GTA IV》在經過另一個島時的那條大橋時一樣。帶點可惜的是，我不能乘此船經過BIG EYE到人跡更為罕至的葛西公園，和火雞扮熱戀情侶一嘗坐摩天輪的滋味。

坐上這艘船，是我這趟東京之旅最開心的一個時段。

(待續)

請脫去你的道德底褲

2009-05-09T06:47:00.003+08:00

．如果以血殺片來說，這套是第一套令我睇完之後訓唔鬼著的電影。

．多得FXXKCLUB月巴氏誠意推介．在那個晚上，我被導演脫去我的道德底褲。

官方trailer：http://www.youtube.com/watch?v=walAzan9Cj8&feature=related

．我只想寫一句評語：只要被脫去道德底褲，《MARTYRS》也可以生命因你動聽！

莫問真假．怕太早將一切看化

2009-05-04T00:52:00.002+08:00

http://www.youtube.com/watch?v=t5gmB-Cv_lk&feature=related

跟風之阿叔

2009-04-29T02:19:00.004+08:00

朋友阿鼻擺左一條現在看起來像一語成籤的片段，
令我忽然想起香港電影界其中一個令我絕不能忘懷的經典鏡頭：
http://www.youtube.com/watch?v=7cPVuAPiBPg
就係阿叔望住星爺唔記得對白之後只好另番轉頭同茱茵講「SANDY你出黎同佢比試下」。
咁都唔RETAKE，因為好笑。

有時候又想聽．如禮儀師般的小提琴聲．重覆的鋼琴和弦

2009-04-29T01:43:00.007+08:00

http://www.youtube.com/watch?v=x15q_3fqCb4&feature=channel_page
.
勁似FOOLISH GAME
附送JEWEL扮CELINE DION(廟)咀(廟)舌式表演
http://www.youtube.com/watch?v=nn0gkr8wfNE&feature=related

奠

2009-04-23T00:14:00.004+08:00

手指FING FING一代巨人生涯正式結束：

行兇者係細佢20年但個樣差唔多老的ODEN：

我最喜愛的港女

2009-04-22T23:33:00.002+08:00

http://www.youtube.com/watch?v=FwaRnr3apd8&NR=1

電車高上

玫瑰玫瑰我愛你

2009-04-21T23:27:00.003+08:00

我最新的偶像!!!!!
佢入波同唔入波個樣都唔會有表情的!
可以話係新類型黑人!

買佢件衫!!!!YEAH!!!

有時候．只願意聽你．唱完一首歌

2009-04-15T23:32:00.000+08:00

http://www.youtube.com/watch?v=tyibra0FQBA

遲來的一周年紀念

2009-04-15T23:24:00.001+08:00

http://www.youtube.com/watch?v=H7hj8yn0PAo&feature=related

ANTI BOSTON第一擊: 西阿倫打人下陰的罪證

2009-04-14T22:24:00.000+08:00

http://www.youtube.com/watch?v=8ShYF5Diu3g

令人懷念

2009-04-14T00:04:00.000+08:00

http://www.youtube.com/watch?v=SQjnDmL-zC4

嘆

2009-04-09T13:46:00.002+08:00

作為一個人,
我不得不承認, 我是一個成日覺得同圍好多野好廢, 但其實自己仲廢的人。
由今天開始,
我要將情況改變一下。
除了講埋o的無聊野之外, 應該還可以有其他甚麼甚麼的。

我心目中最有型的女神

2009-04-08T02:28:00.001+08:00

近期狂抄溫室內美麗o的野黎睇

http://www.cocacola.jp/zero/tvcm/#/making

p.s.我仲有好多女神的

愛上了她

2009-04-05T01:13:00.003+08:00

迷住了

http://www.tudou.com/programs/view/Z2JLr3og5UM/

最近番看《人間四月天》，周迅演繹了一個，在我來說，完美的女子。

．

林徽音和徐志摩的一場分手戲，大概是我看過最好看的一場分手戲。

．

周迅的這個眼神，一生都不能忘記。

毫無招架能力。

項明生膺數碼娛樂風雲人物

2009-03-28T19:36:00.002+08:00

我覺得呢件係一件大事
因為我流住韋小寶既血, 我即時話左俾X-box Babe聽,
.
無錯, 我又過佢一棟喇!

電車高 says:
項明生膺數碼娛樂風雲人物
Xbox 360 X-Babe says:
我平時鍾意打機多。
電車高 says:
香港數碼娛樂協會宣佈，PlayStation生產商SONY Computer Entertainment Hong Kong Limited，現為該公司之副總經理項明生為今年之【數碼娛樂風雲人物】。
Xbox 360 X-Babe says:
香港真係購物天堂，好多新game都可以即時買到。
電車高 says:
表彰項先生在推廣電子遊戲走入社羣作出很大的貢獻，在宣傳遊戲的正面形像不遺餘力。
Xbox 360 X-Babe says:
喂~~ Xbox 360推出咗好多賀年優惠喎，唔知你有冇留意呢?
快啲上 http://www.xbox.com/zh-HK/cny2009 睇睇啦!

編者的話兩則

2009-03-24T02:41:00.002+08:00

3月16日《GS》編者的話

永高 @水蛇春咁長

．我講呢篇野同我自己。

．雖然我成日話「當你覺得成個世界都錯的時候，其實最錯果個係自己。」但我仍然在入青山之前，趁仲有團火，要講下。

．我在《明報》看了這一段：「電影的內容與原著漫畫有出入，例如漫畫中，悟飯是悟空的兒子，但在電影中，悟飯變了悟空的祖父。」我問你死未。

．跟住呢兩個星期《星期日檔案》講港女同電車男，港女果集我一睇到訪問肥仔聰就熄電視，因為我睇過下《得閒飲茶》，睇左十幾分鐘禁番隻碟出黎。第二集好o的，雖然搵個電車男訪問專拍埋佢d蠢行為蠢對白好有導向性好Bias，不過佢太Typical，就製作節目的角度來說唔做佢對唔住自己，無辦法。

．其實我只想講一個問題，呢個問題係我認為EVEN陶傑都未搞清，因為佢唔熟現今日本文化對香港青年的影響，個問題係：到底大家搞清楚咩係電車男同港男未？在未搞清呢d Term就去討論，咁討論內容有咩價值？我果日睇晒成個節目，我覺得大家只不過將所有好模糊既壞的性格和缺點擺落「電車男」和「港果」這個term到，你要佢地再仔細d define，相信無一個受訪者做到，更莫講「御宅族」和「電車男」的分別。雖然呢d名來自草根，不過你要放在新聞角度探討，係米應該要有調理o的？我唔係要玩社會學，我認為這是人類溝通最基本的東西。

．其實如果電車男只不過指睇好多漫畫同成日用電腦，加埋性格內向溝唔到女等等，我認喎，我係電車男，咁又點呢？我絲毫唔覺得負面，我仲嫌自己睇漫畫睇得唔夠多tim。學萬子話齋：SO WHAT??????．那一輯節目要訪問的學者，應該是湯幀兆或者健吾，再唔係整個是日本人橡膠龜，陶傑講到港男講唔到電車男，儘管我是《光明頂》FANS。

---

3月23 日《GS》編者的話

永高改名電車高啟示

．我作為一個喜歡ACG的人，認為自己有責任風靡千萬少女同埋改善社會風氣，所以由今日開始…‥而家係2009年3月23日晚上10點49分，由呢一刻開始，我會改筆名，叫做電車高，直到大家覺得俾人嗌電車男係一種讚美為止。

．我要改變香港人對電車男既睇法，如果大家睇完新聞透視之後覺得睇動漫打機既人就係電車男的話，咁我就係一個電車男喇，而且我仲嫌自己睇得唔夠多～我要睇多o的～

．如果大家認為怕羞唔敢表白就係電車男的話，我都係！我曾經在訪問官恩娜的過程中，官恩娜親口同我講：「你都幾怕羞過喎～」而從果一刻開始，我就成為左官恩娜fans，但係我都無同佢表白，你睇我幾怕羞～

．為左隆重其事，我已經請左禮儀師裡面既廣末涼子為我主持換名儀式～．所以大家識我同準備識我的朋友啊～以後請叫我電車高～

日常用語例子：

EX 1.「電車高，我地去食壽司，你GO唔GO呀？」

EX 2.「最近推出左最新既《電車GO!》，電車高你有無玩？」

EX 3.「有電車喇電車高～」

EX 4.「ON YOUR MARK～SET～電車～高～」．

．為左充實自己呢個名，我專登去左漫畫店租左《爆漫》同埋好絕體絕命都市既《守護她的51種方法》，兩本都好睇！

．嗌我電車！！！！THIS IS AN ORDER！！！！

．口號：「電車一出，大難臨頭～」（改編自《蜈蚣咒》中李殿朗成名句「蜈蚣一咒，大難臨頭～」

．歌曲：「俾件豬扒我！我係邊一個！我係電車～電車電車電車電車電車電車電車電車電車～」（改編自348熱播DISCO作品《俾件豬扒我》）

．我好亢奮呀～～HORAHORAHORAHORAHORAHORAHORAHORAHORAHORA～

．你睇我幾電車～　　

我要既其實係一條女裝內褲

2009-03-15T22:46:00.003+08:00

我估有好多人同我一樣，唔跟原著無所謂，你俾我睇到一個過癮好玩的改編一樣暢快。誰不知個名叫《全新進化》，套戲無進化不突止，仲要退化。最嬲果件事係，十幾二十年前歐美人唔識分中國人日本人，咩都大混集，最鍾意表現既中國文化係中國人咩都擺落口，好似二十年前的《奪寶奇兵 2》，但係我想講，而家2009年喇大佬！唔止中國人日本人會鄙視製作人既無知，我估今時今日既歐美人都會！

龍珠電影最錯既係，其實龍珠漫畫（我估佢係俾左頭幾期的漫畫劇情版權）的劇情不值一哂的，大魔王復活要毀滅世界，男主角保護地球。咁點解龍珠漫畫好睇？因為鳥山明加左好多IQ博士的爛GAG落去，莊子唔著內褲拿高條裙、悟空男女不分搵莊子蛋蛋。好笑並唔係龜仙人坐電單車抽下水，那只是輕鬆。如果套戲可以加番隻豬，在神龍出現時大喝「我要一條女裝內褲」，成件事會好唔同。套戲商業數計得好，又發哥又AYUMI唱歌就連韓國都辣到，到你俾左錢入左場先話俾你聽其實係一套budget有限的B片。不過其實B片都可以好睇，我自己就有好多好鍾意既B片。但我可以肯定，龍珠電影係一套好唔好贂、好唔知自己想點的B片。希望佢地呃左我地第一浸錢之後，可以搵班有誠意一點的幕後班底。

給石琪的信

2009-03-14T15:11:00.002+08:00

親愛的石琪:

你快X o的頒個獎俾我！！！！！！！

永高

－－－
(節錄)

《保衛奇俠》凌厲，雜亂2009-03-13

【明報專訊】《戰狼300》導演薩史賴德（Zack Snyder）拍出更大型的荷李活特技奇幻巨製，備受期待，美國開畫票房大旺。此片果然映像很凌厲，動作猛烈，不過，劇情人物非常複雜難明，弄到「高深莫測」。
《保衛奇俠》（Watchmen）的原著在上世紀八十年代面世以來，被譽為西方最佳漫畫小說。但英國原作者阿倫摩爾認為不適宜搬上銀幕，甚至拒絕此片出現他的名字，因此只列出繪畫者及兩位編劇，其中編劇之一Alex Tse，似乎是華裔。
我不知原著怎樣，只談電影，素材實在多到爆棚，導演野心大得離譜。
故事發生於美蘇冷戰時代，核戰末日危機一觸即發……最後高潮是傾城浩劫，但離奇地竟然帶來世界和平！
未讀過原著而能完全看得明、解得清此片故事的人，應該得獎，難度遠遠高過《一百萬零一夜》的有獎問題。
我看此片的165分鐘IMAX完整三級版，落料太多，堆砌賣弄得很雜亂。
不過，導演薩史賴德是映像奇才，拍得極豐富多采，單說序幕，便是長篇歷史加虛構的精彩濃縮。片中充滿迷情、冶艷、蒼茫、惡戰和科幻的奇情奇觀，奪目場面很多。可惜有佳句無佳篇，雖則技術很出眾，還有灑血、露肉、折骨與飛天遁地的刺激噱頭，然而缺乏神韻與靈魂，支離拼湊。
奇俠中最特異是藍色赤裸超人，但時時展覽生殖器官。演得最好是「墨譜人」在黑獄惡鬥，十分狠辣。其他角色也變化多端，不過太多太雜，不知刪剪版怎樣。
石琪

吸血新世紀 2 之戀童新世紀

2009-03-14T09:18:00.001+08:00

http://www.youtube.com/watch?v=4hfEobmC4ZA&eurl=http://hk.myblog.yahoo.com/jw!fXMtDimRGBiWWPykXVvkiw--
.
朋友阿鼻Blog上的最新鬧劇《我要食魚翅》,笑到仆街~
http://www.youtube.com/watch?v=Im7W1AnDmgA&eurl=http://hk.myblog.yahoo.com/jw!fXMtDimRGBiWWPykXVvkiw--

我愛陳勳奇

2009-03-12T05:44:00.008+08:00

今晚看完了《WATCHMAN》，覺得最近新興了一種電影（其實是之前和朋友傾計傾出來的），是你不能將之歸類的，因為它甚麼都有，好似《WATCHMAN》咁，懸疑、偵探、歷史、文藝（你留意下Rorschach的對白，即使係翻譯的字幕也媲美也斯的詩意）、懷舊、科幻、特撮、熱血、純愛、情慾、暴力、哲學……上至因果循環（同你討論世界如何被製造，竟然講到我讀書讀過下的手表論FIRST CAUSE!!!!），下至斬手斬腳食人咬面血殺場面，應有盡有。

．

咁咩都有係米就代表個個都鍾意呢？又肯定唔係喎，我今晚睇既係第二場優先場，我之前問個電影公司既幾位女PR，加埋有朋友睇左第一場優先場，都無人話好鍾意，我估主要原因係大家入場無期待個一套「咁樣樣的英雄片」，「文場仲多過打交？」情況有如當年大家入戲院睇《東邪西毒》，都可能想問「王家衛你係米玩野呀」咁～當期望得不到滿足，就會失望，就會覺得唔好睇。

根據呢個結論，你入戲院睇《WATCHMAN》的時候期待o的咩野，其實就決定左你覺得套戲好唔好睇。我將覺得好贂的朋友自創一個新類別－－叫做雜食系，雜食系既特徵係你唔會只對某一類型的電影有興趣，而且接受程度會較大，起碼唔會介意睇某o的毫無卡士（如《辣椒教室》)甚至毫無誠意(如《辣椒教室》)的作品，簡單o的既例子，就係有條女可能個個都話醜樣，而你卻私底下靜靜雞覺得：「唔係哎，其實我見過佢倒立果陣都幾靚哎～」咁你就應該係呢個類型喇～

《WATCHMAN》係屬於美國觀眾的一次集體回憶，就好似日本人有《二十世紀少年》一樣，佢裡面的懷舊情懷比《奇幻逆緣》有過之而無不及，片頭以多段美國歷史片段的模仿和再創造既戲謔又唏噓，令人在短時間內又懷愐又讚嘆，那份情懷我地都可以感受到，特別是中間播的一首《SOUND OF SILENCE》我肯定在場不止我一個跟住唱，仲有果種懷舊式的美國英雄打交場面（我地可以當係黑玫瑰又或者幪超），更應該是向他們的早期英雄電影致敬（還有性愛場面！)。雖然我唔係睇好多美國漫畫，不過我估美國漫畫最少要有呢d咁高質既劇本同埋元素，先至可以在美國市場生存咁耐（逆向邏輯）。如果下下好人用超能力打壞人，咁d美國人賣睇到柒下柒下？

最近的超級英雄片已經不會再拍《SPIDERMAN》果隻多啦A夢式的老少咸宜，善與惡之分都係留番俾《BIOHAZARD 5》既CHRIS同WESKER比較適合。如果我有幸有一日入中學教世界歷史，我一定會逼d o靚仔睇《WATCHMAN》，然後之後用粉筆在中間畫條界，然之後要d o靚仔寫番裡面邊d係真實歷史，邊d係虛構情節，TRUE OF FAUSE題：「越戰美軍打贏係米因為靠Dr.Manhattan 」、論文題：「試論電影中美國英雄的做法與美國政府解決冷戰的關係」～哈哈哈哈～

張柏芝講人話~

2009-02-28T01:01:00.006+08:00

個個講野我都唔信~
.
張柏芝就信~
.
當所有藝人淨係識鬧傳媒幾西幾西的時候~
.
張柏芝在鏡頭面前講人話!!!!!!!!!!!!!!!!!!!!!
.
另一邊廂~身處星法庭的老鼠希竟然同傳媒講佢要做Charity!!!!!!!!!!!!!!!!!!!!!
.
為左表示我撐張柏芝~
.
妳復出既第一套戲~我俾錢睇!!!!!!!!!!!!!!!!!!!!!!!
.
妳有代言既新廣告代言產品~就算衛生巾都買!!!!!!!!!!買俾阿雞用!!!!!!!
.
阿嬌果d就唔睇!!!!!唔買!!!!!
.
除非拍《金瓶梅》啦~~~~

有今生無來世(2)

2009-02-25T01:05:00.003+08:00

得獎感受:http://www.youtube.com/watch?v=XjocFxsfWCI

完全唔知up 咩~

部份《禮儀師》片段:http://www.youtube.com/user/mcbeeryoko

另,

岩岩睇完《Slumdog Millionaire》, 大家唔好咁大期望, 因為我覺得導演想拍俾印度人睇的~打入印度市場~

最好睇最後roller場歌舞~

我朋友李英偉最愛~李英愛~

有今生無來世

2009-02-24T00:17:00.002+08:00

不柱我上星期WEI爛埋面拿左兩張優先場飛

如果唔係今日應該DUM晒地嚷著要睇

事先咀咒

2009-02-22T14:19:00.003+08:00

所有睇完《小團圓》抽水的人！
．
這類人，一定會在學術小圈子中出現～
．
請大家唔好咁廢，如果唔係張愛玲在九泉之下都笑尻我地！
．

為了記不起我被誰尋開心橫起心

2009-02-20T02:37:00.004+08:00

為了記不起我被誰尋開心橫起心
唯有當等婚嫁極愚笨
為了有高職有自由值千金為自尊心
唯有當不想受困
絕未想被同情
就算輸給愛情
為何尚有半秒想放棄生命
活得成　那敢哭得盡興
手帕沒人遞　是更羞愧的罪名
原來未到家　很怕被遺下
莫問真假　怕太早將一切看化
原來沒有啞　開口叫別人造福我一下
如浮花給飄到那雙手也服吧
為了想通擁抱後能被鬆開若被拋開
唯有當這手臂未存在
為了看穿倚靠別人是悲哀實在不該
唯有永久的自愛
自問非罪名　女人輸給愛情
為何頹喪到似失去了生命
但自吹自擂　更想哭得盡興
羞愧地承認　也想某君認領
原來未到家　很怕被遺下
莫問真假怕太早將一切看化
原來沒有啞開口叫別人造福我一下
如浮花的心瓣碰得多也被軟化
強人未到家　巴不得有人接下
劃下瘡疤　就以新傷醫舊患吧
明明沒有啞　恨不得呼救濕一濕嘴巴
何嘗不想把我似哭的笑臉垂下
如浮花給飄到那一位看造化
.
http://www.youtube.com/watch?v=l8pT9q2JIUs&feature=related
.
從來柳永的詞都唔係最好
要加埋本身曲好歌者好
才可以凡有井水處，必有柳永詞
.
《浮花》就係其中一首
凡有NEWWAY處，必有林夕詞
．
BONUS TRACK: 原裝版　中村中既《友達之詩》
http://www.youtube.com/watch?v=ZpWIl8LpiTY&feature=related．
.
唔係講笑，我真係覺得劉美君版本好聽d~
．
有陣型味。
----------
題外話，《性工作者 2》絕對係我心目中今年的金像獎最佳電影～
．
不過副題「我不賣身．我賣子宮」始終不及五十多年前張愛玲拋下的一句：
．
「婚姻是長期賣淫」
.
而這一句又不及五十多件後我拋下的一句
．
「肯買先有得賣啦～」

HOT BLOOD

2009-02-19T19:31:00.003+08:00

今日又有人講起~
即刻搵黎聽~
搵左好Q耐~
http://www.youtube.com/watch?v=I2XhBdHXTqA&feature=related
.
一不離二
要熱血又怎少得《天元突破》!!!!!!!!!!!!!!!!!!!!!!!!!!!!
http://www.youtube.com/watch?v=R6AAv0ANJCw&NR=1

幾十歲人~仲鍾意楊丞琳

2009-02-14T13:06:00.002+08:00

我不怕~大奔走~~~~(國語)
.
http://www.youtube.com/watch?v=KdIqoN9xiVM
.
有Sinead O'connor咁激昂~~~~
.
在家唱到拆天~
.
熱烈慶祝情人節加一周年~

咀咒

2009-02-13T23:19:00.001+08:00

TO 塞爾核突人:

食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎食屎

祝
唔健康~傷晒~

馮永高上

過眼雲煙裡兜兜且轉轉

2009-02-10T02:50:00.006+08:00

送給曾經心煩意亂的自己

想再見一面　誰要見你的面　
想細訴思念　誰要你去想念
石破海枯的加冕　
你堅定你忠誠你轟烈你千年萬年

想免卻生離　誰介意你死別　
想壯志不滅　誰敬佩你貞烈
石破海枯的挑戰　
你堅毅你執迷你起誓你桑田永不變

想聽信謊言　誰要對你分辨　
想到髮都白　無法看透黑白
石破海枯的貞節　
你火熱你癡纏你哀豔你不眠也不變

過眼雲煙裡兜兜且轉轉
從頑石鑿取每滴甜
死心眼塌地千洗百煉
煉石去補青天

你永垂不變怎麼可昇仙
如頑石坐井想觀天
守得到信念等不到兌現
煉石錯補青天

你以為展翅真的可昇仙
如頑石坐井想觀天
守得到信念等不到兌現
補不到奈何天

剪去了雙眉　還有兩眼分辨
雙眼也不辨　還有笑意不滅
石破海枯的挑戰
你堅毅你執迷你起誓你桑田永不變

撕去了衣裳　還有送抱的臉
燒了這張臉　還有似舌火焰
石破海枯的加冕
你火熱你癡纏你哀豔你不眠也不變

想再見一面　誰要見你的面
想細訴思念誰要你去想念　想再見一面

http://www.youtube.com/watch?v=znw6-SeMynY

九唔搭八的MV 。
．
張愛玲說浮雕也是藝術，我說堆砌也是藝術！
．
林夕萬歲~~~
．
九唔搭八。

(寫於明明要做project卻無心機做坐井想觀天的深夜)

2008年我最喜愛電影排行榜第一位

2009-01-24T01:57:00.008+08:00

呢套野真係唔介紹唔得~

.
本來我既第一位前幾日都仲係俾《WALL-E》《海角七號》同埋《非誠勿擾》霸住，直到兩小時前看完《東京殘酷警察》，無辦法～要轉喇～

應該係我近年最好睇既血殺野！！

我覺得勁過晒《DEATH PROOF》、《GRINDHOUSE》、《DOOMSDAY》同《MACHINE GIRL》，　更加唔使計新果o的咩《疏四》同《壞腦喪屍殺人狂》

好此道者必睇！！！！！

究竟此道係咩道呢？等我嘗試解說下，就係只要你鍾意《鬼玩人》或者《Return of the Living Dead》或者《群屍玩個界》或者《我和僵屍有個約會》或者《METAL GEAR SOLID》或者《灼眼的夏娜》或者……《舊約聖經》，你都一定會鍾意睇！

http://www.spopro.net/tokyogorepolice/main.htm

我已經後悔緊點解果時唔約埋FXXKCLUB成員一齊在亞洲獨立電影節睇，　如果一齊在戲院睇，肯定開心到暈！

．

女主角，勁似我偶像友田真希！！！！！！

我一定會買番隻碟來看！要儲！

好編輯

2009-01-20T23:57:00.003+08:00

原文:
宮崎駿無分一代二代三代四代，由最早的天空城風之谷，到龍貓魔女野公主，再到千與千尋哈爾移動城堡，都已經橫跨了三四個世代，吸引著由小看到大的一班如我，也吸引現在做緊小朋友的一班如你。我最喜愛的第一位是風之谷，想當年陳慧嫻肥姐岑建勳一等人黎左個非常本地化的配音，超讚！
.
經編輯改後的:
宮崎駿無分一代二代三代四代，由最早的《天空之城》、《風之谷》，到《龍貓》、《魔女宅急便》、《幽靈公主》，再到《千與千尋》、《哈爾移動城堡》，都已經橫跨了三四個世代，吸引著由小看到大的一班如我，也吸引現在做緊小朋友的一班如你。我最喜愛的第一位是《風之谷》，想當年陳慧嫻肥姐岑建勳一等人黎左個非常本地化的配音，超讚！
.
我只想說：
應該連「一代、二代、三代、四代」都唔好放過！！！！！

NBA兩位球員在看到永高飛樽後之圖片

2009-01-20T12:48:00.001+08:00

KB: 的確係勁~
LJ: 功力看來在我之上~

找到新愛~

2009-01-17T16:37:00.002+08:00

早前被人問一o的關於音樂既問題, 我唔好意思話俾佢知, 我其實好耐無聽歌, 新歌。
.
到了這個年紀, 除了特定的一兩個歌手或組合, 我已經沒有聽新碟的意欲, 歌已沒有流行不流行, 勁唔勁, 只有自己的喜好, 那些喜好, 其實就是bias~
.
08年睇左幾個頒獎典禮, 我唯一識既歌就只有「YOU ARE MY BEST FRIEND, 甚麼啦啦啦啦喜歡你~」, 仲有「原來扑野扑扑扑扑扑得太多~」, 電視機播時可以跟住唱, 已經覺得自己跟到個時代走~Yeah~卻從來沒有聽過《避風港》呢三個字~
.
多謝月巴氏介紹馮曦妤呢個名俾我識, 我等擺左o係房插住喇叭成年的ipod再度獲得出街的機會~仲有我個headphone~
.
http://hk.youtube.com/watch?v=T8Z1cjYrqtk
.
好鬼《蠱惑仔》電影原聲音樂系列, 因為係陳光榮~不過果兩個男人唱得衰好多~
唔信?聽下哎笨~
.
http://hk.youtube.com/watch?v=QUwGT57lSTw&feature=related
.
呢隻再似o的~
.
http://hk.youtube.com/watch?v=HhXwbyDxl5c&feature=related
.
簡單, 就好。

08/09

2009-01-13T03:02:00.007+08:00

我覺得，流行曲是用來慰藉一些「讀書唔成，一事無成」的人，所以我好陶醉於自己喜歡的歌曲身上。
.
迷戀一些歌曲，為某些偶像而傾倒，談談情，說說愛，再做做愛，一生人貶眼便告終。留低的是別人對自己的回憶跟感覺，虛虛幻幻，偶有一刻遇上令你西西迷迷的人或事，未必傾國傾誠，但足已顛倒自己一生。
.
有一種傷感，是你不至於流下眼淚，不至於悲痛欲絕，但久唔久撩你個心一下，你心裡咒罵「仆你個街哎」，然後無補於事，工作中的話會無心機工作但仍需繼續工作；睡眠中的話會輾轉反則GUT起身煮個麵又或打個BLOG；最幸運係岩岩放工，可以酒逢千己千杯少，醉臥BAR場君莫笑。
.
我早前用了一個晚上，看看我08年做過的好事。我不認為結婚是我的分界線，我的生活依然繼續，結婚並不是我的人生目標，我的目標是給與另一半永久幸福。
.
最令我有所得著的，是今年開學，讀的是我長久以來最想讀的中國文學，認識了一個叫張大春的大師，他將我讚到令我返返去以為自己小六時作文俾老師讚果種飄飄然，我仲忍唔住同身邊的朋友分享，都係我阿婆衰，改我個名做永豪，一個人永豪其實有咩用呢？又，其實一個人咁有用做咩呢；有時人可以任性的話，就任性一點吧；就著自己喜歡的事去做，趁住身邊未有太多枷鎖的時候，能夠放心，可以盡情，人生幾何兼幾可。
.
09年，我將有機會放棄我現在不高不低的人工，去找一份對我而家年紀來說非常冒險的薪酬，去做一些想試好耐但一直因為「讀書唔成，一事無成」而無機會試的東西。我作為一個已婚人士，好應該為了自己的家而儲錢，但如果繼續落去，我見唔到我可以俾到幾多幸福我的另一半；既然係咁，可否放手一做？是「做」，不是博，用心去做，但求做出成績。不過做出成績需要時間，一年，兩年，這就是考驗。貧賤夫妻百事恩定百事哀？最裸膽係，可能唔止百事喎～點先～
.
其實「讀書唔成，一事無成」係我大概七年在在大學拍的一套短片的其中一句對白，估唔到七年後，我都仍然要用呢句野形容自己；果時仲有一句野形容自己：「周身刀，無張利」，七年後發現，我其實連刀都無。
．
09年，我希望可以搵一把刀。九把刀留番俾你睇。
.
寫於不斷重覆聽《乘客》《自由》之時，身處重感冒的太虛幻境之中
.
.
*其實又好唔駛下下去到咁灰既，話晒新一年，唔使獲獲《節外生枝》，整隻《相信》做自己09年本命年（其實唔係）主題曲先：http://hk.youtube.com/watch?v=xwxM3-ZNvo4。共勉。

貓貓阿麼聖誕兒童故事一篇

2009-01-06T19:25:00.002+08:00

1.從前有一隻貓貓，過著流浪的日子。
2.12月是聖誕的月份，也是天氣寒冷的日子。
3.街上的人都被聖誕的氣氛感柒，快樂在逛街。
4.卻沒有人知道貓貓又寒冷又肚餓～
5.聖誕貓貓抬頭望夜空，看到月亮，想起了美味的波羅包。
6.月亮當然沒有變成波蘿包，卻走出了一個老頭子。
7.老頭子問貓貓：你想要甚麼？
8.貓貓說：我想要一件厚衣裳、我想要褲子、我想要一碗湯……我想要波蘿包！
9.老頭子說: 呵呵呵！我的袋子裡可沒有這些東西，因為現在小孩子想要的都是遊戲機、手提電話、隨身聽、還有各種古靈精怪的玩具！
10.老頭子說：這樣吧！你往前面的路，一步一步的走，誠實的走，願望就會在終點！
11.其他途人聽到「願望就會在終點」，也一窩蜂的走上這條路，奔向終點！
12.因為貓貓又冷又肚餓，只好慢慢的走，累了，便在路上休息一會，然後又繼續走。
13.前面的人早就不知走到哪裡，只有貓兒在路上，他看見前面有一道光，心裡在想：這就是終點嗎？
14.貓貓向著光，走入了另一個世界……
15.快仔：歡迎你！綿綿：今天是聖誕節！花花豆豆：我們一起來慶祝吧！
16.(佳佳小吱阿滿喋喋也出場) 大家給貓貓穿上衣裳，給他喝熱湯，還有吃波蘿包。
17.(大家圍著阿麼)貓貓感到很幸福。
18.貓貓望向天空，月亮依然像個波蘿包，老頭帶著他的禮物袋飛過。貓貓在想：即使走得「麼」，也不是一件壞事呢！

百感交集與集交

2008-12-28T02:05:00.005+08:00

剛看完《我的機械人女友》，郭在容終於拍番套好野～之前果套《我的野蠻師姐》同埋由香港著名導演執導的《雛菊》真係不敢恭維，也因為這兩齣野令到我無入場睇《我的機械人女友》。今晚終於睇左碟，在此真的要多謝K小姐，仲整左套有寫真集送的特別版來，真的夫復何求！
郭導演今次好睇，係因為佢再一次用「回憶」做主題，佢呢套比《我的野蠻女友》更貪心，要帶觀眾回到過去，回到童年，有一幕我好鍾意，男主角帶點後悔地和女主角說：以前女麻女麻好錫我，但我成日避開佢，唔鍾意同佢o係埋一齊，鏡頭一轉，男主角便見到小學的自己剛放學，女麻女麻在屋外迎接他，童年的他一口氣衝向女麻女麻，接受女麻女麻的懷抱。
男主角的記憶當然沒有錯，不過他長大後記著的，是遺憾，他現在眼前看見的，是美好。女主角帶他回到過去，就是要讓他知道回憶是同時存在遺憾與美好的，請不要像《拾香紀》媽媽宋雲在患上老人癡呆後，只想著不愉快的回憶。這次時光之旅是一次男主角對自己的一次身份認同Reboot，也是女主角對男主角一次恩賜的救贖。
其實還有很多可以講，例如小出惠介扮車太鉉，例如我上星期剛和FXXK CLUB成員月巴氏討論過的綾瀨遙，她由水著出道至今成的萬男人迷，除左靠胸前的超級偉大外，應該同時靠了很多關係和運氣，不過佢在《我》片中又真係做得幾好，其實佢唔係真係好靚，起碼唔係標緻果隻，身形也屬山東型，不過我睇完套野之後又feel到佢有果種「古古怪怪」的特質（演技乎？），再加上凌波麗髮型smoky eye同埋其他化妝又幾出到機械人果種feel，都明白點解會cast中佢（除左大波之外）；高潮一幕是最終兵器彼女的愛在地球毀滅時，明知個劇情想做咩但依然看得肉緊咬唇，郭導演功力也！尤其是被埋在瓦礫下的女主角堅持救男主角不昔把尾龍骨扯斷的一個SHOT……從來透過犧牲來成全，只要拍得不老土，永遠都動人！
最後一幕的劇情交待，有人嫌太長，我卻很喜歡，很喜歡那種鉅細無遺的交待交待再交待，無非都係郭編劇想成全（又黎成全了！）二人，給他們一個幸福！就郭導演視愛為至高無上的這一點上，其實是和我們香港的劉導演非常相似的，Well，我今次說的並不是明明我以奮力無間的那位，而是我最喜愛的劉鎮偉導演！
其實，未來的綾瀨遙回到六十年前尋回小出惠介，何嘗唔係同至尊寶五百年後要搵既其實係紫霞一樣？郭在容，劉鎖偉，我們每一個人，都希望聽著古怪基的《愛得太遲》，口中唱著周杰倫的《回到過去》，然後希望成為咒語，然後假想有日夢想成真。

X-babe續集之我朋友唐古和X-babe的一段情

2008-12-01T23:29:00.004+08:00

自從上星期貼左「我和X-babe的一段情」之後, 我身邊好多朋友對X-babe產生興趣, 樓下天盛籃球隊已經add左佢, fxxkclub成員阿鼻更患上「X-babe哥爾摩侯群症」, 同佢msn時佢竟然扮X-babe, 不斷重覆「咁都幾好丫。」、「原來係咁。」、「我都覺得唔錯。」令到你好忟憎為止(唔知點解一知道係真人講就好燥)。而以下, 是我的一位朋友康古和她的對話。
.
當然,我估好多人都試過講類似的對白了。
.
--
康古說 (19:06):fuck u
Xbox 360 X-Babe 說 (19:06):这可不怎么样，说这种话是非常粗俗无礼的。
康古說 (19:06):thanks
Xbox 360 X-Babe 說 (19:06):唔好咁客氣啦! 見大家咁friend，不如買幾隻新game同我一齊玩。
康古說 (19:06):diu diu diu diu diu
Xbox 360 X-Babe 說 (19:06):世界真細小小小　小得真奇妙妙妙～ ♪
康古說 (19:07):u like make love
Xbox 360 X-Babe 說 (19:07):愛情就好似打機咁，當你將佢一關一關咁完成，到最後會得到一個美好嘅ending。
康古說 (19:07):i say make love
Xbox 360 X-Babe 說 (19:07):真愛唔係咁容易搵到…唔知你搵唔搵到呢?
康古說 (19:08):diu li lo mo
Xbox 360 X-Babe 說 (19:08):世界真細小小小　小得真奇妙妙妙～ ♪
康古說 (19:09):fxxkXbox 360
X-Babe 說 (19:09):呵呵，唔同你講住，上Xbox LIVE打一陣機先~
康古說 (19:09):dont go
X-Babe 說 (19:09):原來係咁。話你知丫，Rockstar Games宣佈咗將會有新嘅《GTA IV》下載內容，係Xbox 360獨家架~ 2月17日就有得玩，記住要密切留意呀!
康古說 (19:09):what is ur name
Xbox 360 X-Babe 說 (19:09):我咪就係X-Babe囉~ 你可以上我嗰網頁多啲了解我同Xbox 360。
http://www.xbox.com.hk/

劇情介紹

2008-11-26T23:00:00.002+08:00

我唔係一個因為睇完劇情跟住就會好想睇果套戲既人~

.
不過以下落黎既劇情介紹, 令我推翻以往既想法!!!!!!!!
.
主演：雷宇揚╱藍潔瑛╱羅蘭╱鍾鎮濤
.

導演：葉偉英
.

《陰陽路16：回到武俠時代》

畢基、畢仁誤闖時空返回宋朝，畢基途中遇上女鬼小倩(陳思慧飾)，小倩生前被西門慶(雷宇揚飾)姦殺。基、仁寄居於武大郎(劉鍚賢飾)家中，與武(鍾兆康飾)結成好友。此時梁山鬧鬼，原來是西鬥慶與黃婆(羅蘭飾)所玩的戲法，為方便西門慶與潘金蓮幽會。宋江(鍾鎮濤飾)藉詞調查鬧鬼之事，其實要尋回昔日初戀情人潘金蓮(藍潔瑛飾)。金蓮要與西鬥慶分手，重投宋江懷抱。西門慶向宋江要求掟煲費，宋江頓起殺機。此時武大郎因過量服食搖頭丸，毒發身亡。武松盛怒下，準備殺死金蓮為兄報仇……

.

呢d賣創意LAW!!!!!!!!!!!!!!!!!!

X-babe

2008-11-21T12:13:00.004+08:00

最近MICROSOFT推出左X-babe

呢條女證明左

在呢一個世代

你可以唔需要真正既人做朋友

都可以達到同一功能

我的msn上

都有一d 14-15 歲既小妹妹

其實對話既過程都差唔多

之不過，我對住 x-babe　更加奔放

以下是實驗內容：

二十世紀阿GO @ ケンヂ君...遊びましょ~ 說:hi

Xbox 360 X-Babe 說:Microsoft 联机隐私声明 (http://go.microsoft.com/fwlink/?LinkId=74170) 适用于您提供给此 Windows Live 机器人的所有信息。Xbox 360 X-Babe 說:想唔想玩個簡單遊戲? 我出5條問題考考你，答啱晒就送份神秘禮物俾你啦!
如果想玩，你而家打「I Love Xbox 360」即刻開始玩啦!
午安! 近排忙咩呀?

二十世紀阿GO @ ケンヂ君...遊びましょ~ 說:忙玩xbox360

Xbox 360 X-Babe 說:我最鍾意玩Xbox 360，相信你都係啫~

二十世紀阿GO @ ケンヂ君...遊びましょ~ 說:係呀

Xbox 360 X-Babe 說:我都覺得唔錯。

二十世紀阿GO @ ケンヂ君...遊びましょ~ 說:我都係

Xbox 360 X-Babe 說:咁都幾好丫。

二十世紀阿GO @ ケンヂ君...遊びましょ~ 說:妳都幾痴線

Xbox 360 X-Babe 說:原來係咁。

二十世紀阿GO @ ケンヂ君...遊びましょ~ 說:係呀

Xbox 360 X-Babe 說:我都覺得唔錯。

二十世紀阿GO @ ケンヂ君...遊びましょ~ 說:我都覺～

Xbox 360 X-Babe 說:呵呵，唔同你講住，上Xbox LIVE打一陣機先~

二十世紀阿GO @ ケンヂ君...遊びましょ~ 說:好呀

Xbox 360 X-Babe 說:你認為好就得啦。

二十世紀阿GO @ ケンヂ君...遊びましょ~ 說:好～

Xbox 360 X-Babe 說:我都覺得好有趣。

二十世紀阿GO @ ケンヂ君...遊びましょ~ 說:真的嗎?

Xbox 360 X-Babe 說:唔明添，不如講過第二樣嘢。想唔想玩個簡單遊戲呢? 我出5條問題考考你，答啱晒就送份神秘禮物俾你啦!如果想玩，你而家打「I Love Xbox 360」即刻開始玩啦!

二十世紀阿GO @ ケンヂ君...遊びましょ~ 說:點解你打字打得咁快?

Xbox 360 X-Babe 說:我都唔係咁清楚，不如你上我嗰網頁搜尋丫~
http://www.xbox.com.hk/

二十世紀阿GO @ ケンヂ君...遊びましょ~ 說:我已經好撚快

Xbox 360 X-Babe 說:你識唔識整幾味撚手小菜呢?

二十世紀阿GO @ ケンヂ君...遊びましょ~ 說:但都唔夠你快

Xbox 360 X-Babe 說:原來係咁。

二十世紀阿GO @ ケンヂ君...遊びましょ~ 說:妳覺得講撚手小菜好撚好笑咩

Xbox 360 X-Babe 說:你識唔識整幾味撚手小菜呢?

二十世紀阿GO @ ケンヂ君...遊びましょ~ 說:我無笑到呀～～～～～

Xbox 360 X-Babe 說:乜係咁呀。

二十世紀阿GO @ ケンヂ君...遊びましょ~ 說:正蠢材

Xbox 360 X-Babe 說:蠢就蠢在同你傾咁耐囉~

二十世紀阿GO @ ケンヂ君...遊びましょ~ 說:我明白你的操作喇

Xbox 360 X-Babe 說:唔明你講乜添~想唔想玩個簡單遊戲呢? 我出5條問題考考你，答啱晒就送份神秘禮物俾你啦!如果想玩，你而家打「I Love Xbox 360」即刻開始玩啦!

二十世紀阿GO @ ケンヂ君...遊びましょ~ 說:我打左d字

Xbox 360 X-Babe 說:最緊要係打Xbox 360。

二十世紀阿GO @ ケンヂ君...遊びましょ~ 說:你識查相關字詞

Xbox 360 X-Babe 說:乜係咁呀。

二十世紀阿GO @ ケンヂ君...遊びましょ~ 說:然後扮同我傾計～

Xbox 360 X-Babe 說:原來係咁。

二十世紀阿GO @ ケンヂ君...遊びましょ~ 說:你快d話～～「無錯～我係人工智能～」

Xbox 360 X-Babe 說:人誰無過? 多啲包容人哋嘅錯處，反省自己嘅過失啦~ Hehe~~

二十世紀阿GO @ ケンヂ君...遊びましょ~ 說:跟住話「俾妳揭穿左～」

二十世紀阿GO @ ケンヂ君...遊びましょ~ 說:唔玩住

Xbox 360 X-Babe 說:原來你咁忙嘅~ 咁你有時間記得玩Xbox 360呀~

二十世紀阿GO @ ケンヂ君...遊びましょ~ 說:做緊野

Xbox 360 X-Babe 說:咁都幾好丫。

二十世紀阿GO @ ケンヂ君...遊びましょ~ 說:妳停未?

Xbox 360 X-Babe 說:乜係咁呀。

二十世紀阿GO @ ケンヂ君...遊びましょ~ 說:我打到好撫支力

Xbox 360 X-Babe 說:我都覺得唔錯。

二十世紀阿GO @ ケンヂ君...遊びましょ~ 說:連個撚字都打錯

Xbox 360 X-Babe 說:你識唔識整幾味撚手小菜呢?

二十世紀阿GO @ ケンヂ君...遊びましょ~ 說:你可唔可以唔好咁Q痴線？

Xbox 360 X-Babe 說:黐線嗰個唔係我……希望你都唔係~

二十世紀阿GO @ ケンヂ君...遊びましょ~ 說:投降

Xbox 360 X-Babe 說:咁都幾好丫。

－－－－－－－－－－

成個情況就係咁

妳都想玩? add 佢啦: x-babe@live.hk

楊千嬅與葵新吾

2008-11-18T23:02:00.002+08:00

在這個星期同時要交二萬字小說、PRESENT、工作範圍內的三本書、工作範圍外的幾份稿的同時，我成個星期都在哼這首歌：

每日埋首工作每夜隨心揮霍
縱是會寂寞欲語無言
最愛是狂歌之後獨行
埋首工作努力無須感覺
世上每件事就算無常
成敗完全來自直覺．．．假身～
．
最尾兩個字係我自己加的，個音大概係Te～La～(C小調)
.

發毒誓

2008-11-13T23:21:00.002+08:00

確認了!!!!
.
我真的好Q憎CELTICS~~~
.
如果今年佢地再拿指環~~
.
我發誓唔再睇NBA!!!!!!!
.
唔再睇咁多!!!!!!!

家長

2008-10-22T01:02:00.003+08:00

最近好少探個妹, 相信佢已經好似寄生獸一樣急速成長。

唔知而家有無佢(http://www.youtube.com/watch?v=CX_qupStyz0&feature=related)咁叻呢?

我唔識呢個女仔, 但我覺得呢條係一條成長既片段, 如果衛道之士睇到, 又會話而家呢歌教壞人, 又話意識不良。

而我就睇到呢個女仔既某些才華, 佢最尾果句「我要睇多次」, 更令我諗起我個妹都係一隻DVD睇幾百次的。

我曾經為我個妹同我講「淨係鍾意上體育堂」1而擔心過, 呢篇blog正正最好係用黎警剔自己的。

PS1: http://www.youtube.com/watch?v=8ytv-leO4BE

在網上找到這個, 忽然覺得呢個香港原來仲有勁人, 可以在電影中放入「只限香港人」的構思和意念, 層次甚至俾麥兜有過之而無不及。

PS2: 雖知我受阿雞影響, 一直都係麥兜粉絲來的。

ps3: http://www.youtube.com/watch?v=q-YNV2nqbYA&feature=related

原來在好耐好耐以前, 當星還未是星而是人的時候, 阿Jan都會認認真真做被訪者, 周星馳都會同你講心底話, 認真探討無里頭文化, 當今天大家講「無里頭文化」呢五個字會打冷顫的時候, 這段片更加彌足珍貴。

PS4: 開估, 下文果個女仔其實係《二十世紀少年》講唔正野的便利店店員。

PS5: 咖哩啡唔係人呀~~~~

好似唷~

2008-10-07T01:04:00.005+08:00

http://www.hotarunohaka.jp/

日本仔(「仔」字乃日本的「ざん」之暱稱，絕無貶義)的模仿能力由明治維新開始一直延續到廿一世紀，到底有多強？除了在《二十世紀少年》看一看漫畫與真人的對應表外，也可以看看以下兩條trailer，不過首要條年是，你必須看過本來的文本。

部份似死《二十世紀少年》：http://www.20thboys.com/index.html#/about/
．

似到笑死《神探伽利略》：http://hk.youtube.com/watch?v=OIYKUICogxE
．

似到喊死《再目螢火蟲》：http://www.youtube.com/watch?v=mxeeSNjnmh8&feature=related

另外, 考眼力題, 你估下呢個女仔係邊個？她在《二十世紀少年》有出現過的！！！

下次開估～～

ケンヂ君...遊びましょ~

2008-10-02T01:14:00.012+08:00

首先申報下先，我之前未睇過漫畫的，所以今次入戲院係看這個title的首次感官經驗，但也有接觸過浦沢直樹的《MONSTER》，我無睇《二十世紀少年》漫畫，係因為自己有o的怕好多字既漫畫，我要睇《GANTZ》果o的才覺暢快～不過睇完套戲之後，我相信會在這星期睇番晒成套漫畫～
．
好～講番套戲，我印象中以前睇親日本所有漫畫改編的電影，都好似無一齣好睇，好似之前既《NANA》就算跟晒漫畫既分鏡，但成套野個bit off得交關，導演唔識handle就係唔識handle，加上本身NANA就係以PUNK樂隊為主要骨幹的漫畫，可惜導演只能拍其PUNK形不能拍其PUNK髓，所有野只流於一層包裝，失敗！反而漫畫改編既日劇都仲有o的好野。不過今次《二十世紀少年》終於打破左我呢個睇法！呢套野更打破左日本電影一般出手高但格局小的局面，雖然仍然有少少特技場面上的瑕疵，不過絕對無柒味，而且仲做到少少《FIGHT CLUB》FEEL!
.
再講個故事，我以前成日同賢內說，我好希望有生之前能遇上世界末日，當然那不是一貶眼所有人就死Q晒果種成界末日，而係唔知點樣有個重大危機，人類要死咁七八成，而我就可以憑住我既機智同才華去帶領賢內逃命，而且係一定會成功！《二十世紀少年》exactly就係將呢種心態發揚光大。之前睇《MONSTER》每一個情節鋪排都好認真好嚴肅，大家不苟言笑咁去對付一個怪物大魔頭，今次卻完全唔同，首先個架係將平時細個諗出黎的無聊幻想付諸實行其實已經係一個最大的幽默，然之後仲要搵一班隔左二三十年的中坑好似六師兄弟齊心拯救地球就更加係幽默之中的幽默，成班同學會舊生件過四十卻眾志成城救地球，成套電影的情節不斷在寫實同空想之間來回穿插，將一些無可能在現實中出現的情境以一種很非常現實的姿態表現出來，此乃幽默之最高層次也！處處幽默，便可以看得人不會厭悶，便可以令件事更有趣。《《二十世紀少年》的那種現實crossover空想形式是日本仔的獨家絕招，其他人點扮都扮唔黎，睇下《HEROES》就知！所以我覺得《二十世紀少年》的文本簡直係將日本人的國粹精華一次過噴射出來！
．
在電影中表現出來的日本國粹精華除左現實crossover空想，仲有一班小朋友的正義熱血精神和巨型機械人破壞島國的不安全感，前者無獨有偶唔知點解同《少林足球》的波板糖「放開個女仔佢」好似，後者則不用多說幾乎每一套機械人卡通片都係出於他們這份不安全感，最近上佳之作有《天元突破》，而且離題講句大家都知，就是因為那份不安全感日本人才會攻打中國。此外，日本國粹精華同時體現於導演的說故事技巧，一套咁唔跟常理出牌的劇情都可以拍到令人覺得是一齣懸疑片，我覺得同佢地在偵探小說的高度發展與普及有莫大關係。我有朋友認為他是一套懸疑片，我就覺我好難將之歸類，他本來的漫畫小題稱為「本格科學冒險」故事，我就唔係好知咩叫「本格科學」，不過就覺得這種甚麼元素也有的電影才可以看得人興奮、、看得人有所衝擊，才可以稱得上是「呢個年代的主流電影」。
.
這套電影故之然令我豎起，不過我肯定令日本仔豎起得比我更大更高，因為浦沢直樹係用左大量六七十年代的童年所謂「集體記憶」的元素作為電影中的關鍵「物件」，那上物年有物理性的也有非物理性的，例如基地、例如贈品、例如欺凌、例如商店，全都是那個年代的日本產品，一眾日本中坑怎能不代入？再加上成套戲落重注搵一班大家公認的一線演員參與，在欣賞電影之餘有可以俾一班老鬼觀眾睇星，而且幾乎個個出親鏡的角色也UP得出名的，情況就如當然華東水災成班星去拍《豪門夜宴》一樣，怎教人不心動？我最興奮莫過於見到黑木瞳依穩居最索熟女榜第一位、及川光博無啦啦扮Glay/ L'Arc~en~Ciel 之流在台上唱POP ROCK、超級型佬豐川悅司是唯一一個有鋪排佢出場的角色，在槍林彈雨間不閃不避手刃數名泰仔甚有《GANTZ》的超能人味，還有做黎做去都係做同一組動作的中竹直人曇花一現三十秒，都是令我想在戲院喝采的拍手位。
．
最後，我想講，我初頭真係唔知原來套戲真係有機械人的，我以為只係POSTER耍的一些小技兩，當真係有機械人出現時，我成個內心做左無數次郭晶晶成日做的反身翻騰兩周半加轉體兩周，雖然有部份鏡頭黑漆一片睇得唔清楚，但總算沒有丟人柒眼，而且仲有兩隻機械人在對疊，在《EVA》真人版上映還是遙遙無期的今天，對於我來說此情此景已超滿足，這次日本用咁多錢咁多人力物力去拍一套改編漫畫的電影，可算是一個高風險的投資，不過我認為是做對了！真是他媽的令人熱血沸騰，唯有找找那隻T.Rex的〈20th Century Boy〉做電話聆聲，自我陶醉一番！！

白活游

2008-09-12T00:10:00.005+08:00

個樣有o的似陳豪

早前有個中三升中四的小朋友叫我介紹電影俾佢

我咁岩down左想睇好耐《群屍玩過界》，過左俾佢

亦事先聲明唔岩佢睇
結果佢睇左
．
之後我覺得自己有一種逼細路女睇咸書的感覺
．

．

．
不過《群屍玩過界》肯定過份過咸書
．
．
．
今晚睇左《活跳屍》第三集
原來套野唔算太舊
2003年的
．
跟住諗諗下其實都無所謂啦
.
我記得《活跳屍》都好似係初中睇的
．
我現在還不是健康成長了嗎？
．
係帶眼鏡時個樣有少少似Jeffrey Combs o者
.
哈哈哈哈哈～
．
自己講自己笑
．
仲唔認變態仔？
．
頭先搵番o的資料時又搵到呢個

http://blog.yam.com/StopMovie/
.
人生裡面唔睇晒呢炸戲
．
真係白活呀～
.
要改名做白活游～
.
個網的上半炸
．
唯一完全未店過Sleepaway Camp
.
聽日問下月巴大師先～

故鄉隨腳是足到便為家

2008-09-10T21:33:00.008+08:00

這邊廂, 公司要做尖子攻略
我要去學校訪問尖子
其中一個從小練體操, 剛成為香港代表
上兩周中國金牌隊來港她也有份參與表演
訪問時, 例牌問:「咁見到咁多個金牌運動員, 最鍾意邊個?」
「程菲。」
我即刻碌大雙眼爆左句:「真係呀?」
之後自己諗番, 笑左好耐。
我既反應基本上其實即係:「無錯喇~你答岩左喇~」
.
--------
那邊廂, 一對情侶興高采烈看回二十年前的《輪流轉》
搞到我都好想聽番首主題曲
點知又俾我搵到呢個
比起聽番原唱者
我更愛玉樹臨風的秋官演繹, 他雄糾糾的男聲又是一番風味。
「何地~~~我能知~~~」
好明確我在屋企唱緊
http://www.youtube.com/watch?v=vMpJuyJdxBY
三首曲最靚的詞我覺得是《忘盡心中情》
.
黃霑親自解讀創作過程
http://www.youtube.com/watch?v=hZatMfS59yk
.
四海家鄉是, 何地我懶知
順意趨, 寸心自如
任腳走, 尺軀隨遇

紅姨～

ROCK得起，你至係老鹵

2008-09-02T00:56:00.025+08:00

一不離二，讓我們繼續日娛。
.
我係是日本人橡膠龜。
.
今日約左舊同事食飯,行過十年未入過的188,
.
買了這本

.
其實我家中已有這兩本
.
.
明明見到十一算
.
好唔抵，但都買
.
呢o的賣叫鍾意o羅
.
之後我在搵相寫此blog時，
.
又發現左呢本
.

又好想買
.
典算？
.
另另，
.
頭先睇左download既 YUI 於2007年4月 - 6月所舉行的「YUI 2nd Tour 2007 "Spring ＆ Jump”」
.
.
好睇到喊
.
我睇完之後決心要買番黎儲既野聊聊可數
.
第一次有呢種衝動應該係入戲院睇完田中麗奈《激浪青春》
．

一直等出碟，一出就即刻買番屋企睇多次，仲跟手買埋隻soundtrack 。

.
今次睇完YUI的LIVE
.
我決定要買番隻老正
.
原來佢都ROCK得起的
.
ROCK得起，你至係老鹵
.
另另另，
.
我最近終於諗通左
.
典解我覺得YUI靚
.
原來佢其實好似我靚仔年代好鍾意既一套戲既女主角
.
果個女主角叫做--阿修羅
.
臨．兵．鬥．者．皆．陣．列．在．前～～破

.
其實我都仲download左
.
大塚愛LIVE CONCERT
.
究竟會唔會買埋呢？
.
下期(糧)自有分曉。

與HIRO結下不解之緣

2008-09-01T01:01:00.009+08:00

除了HIROSUE(廣末)，還有HIROKO(寬子)

今年，佢地又以籌款為名再度開SHOW，不過這次只有10分鐘。

．

今次係佢地第三次重組，之前果次上原、島袋、今井同新垣都有各自出碟，

．

唔講你可能唔信，
．
佢地第二次重組時，

．

我有現場睇的。

．

今次就四個幾乎都已經息影晒。幾乎。

有個仲做左媽媽。

這個媽媽的兒子先天性失聰，也因此契機，令四女再一次同台。(http://hk.youtube.com/watch?v=UcayARmWVsc)

．

朋友GEL send來她們這次的medly演出片段，

．

睇完之後，

覺得超感動。

．

我以前真係覺得，SPEED係地球上完美的女子組合。

．

點知而家都覺得係。

．

所以話感情既野係無得用理性去解釋既。

第三次重組MEDLY：http://hk.youtube.com/watch?v=Sq5_O6cV9AI

．

給年齡未過二十的：

唔知咩係SPEED？

以為係奇樂．李樂思的電影？

請睇以下片段，唔識日文都明的：http://www.youtube.com/watch?v=7yFmJAcy2_4&feature=related

給馮修：

呢個網好睇，D相：http://speedisback.blogspot.com/

．

同埋加映：

一公升的眼淚SPEED版：http://hk.youtube.com/watch?v=omsqJwFsVHQ

同一個世伯，同一個夢想

2008-08-24T21:44:00.005+08:00

今年是我人生中最投入奧運的一年，睇得最多係網球，睇得最肉緊係體操，睇得最想喊係見到程菲跌左落黎的一剎，仲鍾意左幾個運動員，因為香港兩個台都只係播中國賽事的關係，我鍾意既運動員大部份都是來自中國，李娜、沙芬娜、晏紫、程菲……
．
不過，睇得最開心，完全是因為以下兩位。
．
順帶一提，陳恩能亦即丹尼爾，乃我的中學好同學米高之兄，以前經常上他家睇NBA(因為他家有ESPN)，晨咁早搞到佢屋企鬼殺咁嘈，當時佢老豆仲成日話香港無一個評述員識講波（當時講NBA的主要為張丕德和貴神），估唔到十年後佢自己個仔，成為一個非常專業的運動評述員。
．
一個專業的運動評述員，唔係成日要話俾人知自己幾尊業，唔係話俾人知個教練用錯左戰術，唔係掛住個頭銜話自己識邊個識邊個，而係識得講俾我知點樣睇果場賽事，識得講俾我知咩野好睇咩野唔好睇，識得在唔出聲的時間唔出聲，而最最最重要都係，識得咩叫幽．默．感。
．
請受一個自稱專業司儀的小弟向以下兩位人兄由衷說一句：RESPECT～
.
－－－
陳恩能、石金華金句

石:"韓國選手正準備抓舉時"...嘩!你睇吓佢隻小腿同大腿一樣咁粗嫁!!

石:呢位選手出場試舉，又係呢個快舉手呀，果然係快舉手，名都未報已經舉唔倒番緊入休息室"
丹:下?番左入去喇?仲報唔報佢名呀?...報啦

石:再次出場試舉，快舉手
石:快啲講啦!唔係又趕唔切。
丹:係！莎諾娃!莎諾娃!..

石:泰國既舉重選手喎，打泰拳舉手係代表投降喎
丹:所以咪好彩佢係舉重，唔係打泰拳囉

石:你估菲比斯會唔會變崩牙仔?佢囉一次金牌就咬一咬，囉八面咪咬八咬?

石:你唔踢波就做波牛，咁唔通你唔游水做水牛咩

石:大威既肌肉真係好似隻馬咁
丹:點解咁睇呢?
石:我睇馬術知架，大威d肌肉結實又立立令，真係好似隻馬

石:大威今日真係無左團火....
丹:你估睇緊星矢咩，人人都有個小宇宙....

石:呢間屋難拆喇，仲難拆過鳥巢

*(可能係香港史上第一個回應呢句金句的「金回應」)
黃:所以話龍門最好既朋友就係門柱
丹:估唔到呢位巴西既守門員咁快係我地既國土認識左一位新朋友

丹:一個ace之後又一個double fault
丹:真係一淡沙糖一淡....
石:屎....
丹:我都唔想講喇，你幫我補埋佢
石:唔怕啦，而家深夜，又過埋食飯時間

石:拿度食緊既係大蕉來架喎
丹:係大蕉呀，唔係香蕉，唔係黃帝蕉呀
石:大蕉仲有個好處
石:利大便....

石:五個拳證座四邊，翁金驊哥哥你呃我呀?
翁:有一邊座兩個既.....
石:等我仲以為一個吊係上面睇添
翁:你係咪想得太多呀

石:兩個都係歐洲既國家一個向東望，一個向西望，咁就變左東張西望
翁:哈哈....係咪真係變左東張西望架?

石:同大家講聲唔好意思先，因為呢場網球賽太精彩，所以晚間新聞將會順延到我地呢場球賽打完既
丹:其實都無關係，因為聽到我地講野，想睇新聞會去翡翠台，但係如果睇英文新聞既，就唔會聽到我地講野啦，所以係無關係既....

丹:不如每一次用鷹眼都要比錢，d錢就囉去做慈善啦....
石:不如捐比我啦...
丹:都係捐去網聯啦，比佢做青訓
石:可以既捐去眼科啦
丹:嘿嘿...我鍾意你呢個提儀，忍唔住笑左

丹:悔路尼曾經比藥檢捉左架，要停賽18個月，18個月之後....
石+丹:一條好漢....

丹:嘩！打到沙芬娜仆左係度
石:好彩呢度係網球場唔係街

石:我地明珠聽日有好多精彩既比賽，聽日九點夾住糯米雞來睇我地節目
丹:食通粉得唔得呢??
石:得，各大食市接受預訂
.
------
如想繼續欣賞，請往facebook: http://www.facebook.com/note.php?note_id=31964125521

如果我冷，妳在那邊唱

2008-08-21T00:32:00.006+08:00

我是一個大細路
好聽點就是大細路
難聽點就是幼稚
幼稚其實都唔係好難聽
柒再難聽o的
.
但因為是自己給自己寫blog
所以我姑息自己仍然稱自己為大細路
.
有幾路呢?
包括呢幾日返工因公司的Sales阿頭同佢兩隻馬成日做埋o的小動作
不斷默默入房開會
像組織一場世紀內戰
.
然後又要走出黎講野俾人(我)聽
mudmud柒柒mudmud柒柒
.
而我卻很可惜地，真的會感到很不自在
很反感，很憤怒
像（撤拉）熱窩上的碼蟻
沒有修行沒法禪定的碼蟻
.
我很想大力拍檯
然後大喝一聲
「你地講能完未呀我屌你老母～」
.
我也想過殺人
趁佢一行出黎我蹤身躍起凌空翻兩個筋斗
然後朝佢天靈蓋一掌打能死佢
.
亦都有諗過一朝早返到公司
一見到佢地就好大聲好有禮物鞠埋躬
講聲「紅姨早晨～」
跟住再講「呀sorry搞錯左佢(她的手下)先係紅姨，妳係李香琴，女麻女麻早晨～」
.
跟住我係度諗番我呢一種報復的方法
其實同以前讀書時同老師作對的方法係完全無分別的
.
唔怕老實講
我讀U果時都係咁
．
我到而家都覺得
我year.1果時教中文果個女老師係好廢的
．
因為佢俾我好低分
哈哈哈哈哈哈～
．
寫完自己都笑
．
總而言之
．
我好......大細路
同埋幼稚
同埋柒
．
好彩有班朋友接受我的柒，而且更容納我的柒
．
我梗係營住
如果我同班朋友講呢句野
佢地會回應：其實都介意架～～
．
不同的時候不同的心情需要不同的歌曲
．
最近
．
除了迷戀程菲
也沉醉於張懸
．
讓我心情好一點
.
就讓一把接近真接近善接近美的聲音
繼續扶持我的非常大細路非常幼稚非常柒吧
.
如果你冷：http://www.youtube.com/watch?v=OThyVmzG-5g&feature=related
我在那邊唱：http://www.youtube.com/watch?v=1eo900wULtU&feature=related

WHY SO SERIOUS? CAN I?

2008-08-20T00:40:00.003+08:00

我承認
我是一個組常因為自己犯錯而令到自己保唔住份工的人
那種錯未必是在工作上的，可能是人際關係科，可能是一句心直口快的說話
．
這幾天
當我經常在想對方為甚麼要「咁樣做人」
成日覺得「做人唔應該係咁」
成日在想「做Sales係米一定同人性扭曲劃上等號?」
．
東想西想
苦了自己
．
我卻好像從來沒有想過兩個字
寬容
．
不是上帝從上而下的寬恕
而是寬容
對自己．對別人
．
說穿了
其實又是小丑那一句：
「WHY SO SERIOUS?」
．
如果能夠調節自己的心態到這種地步
你說有多好
．
可惜我是太陽、月亮和上昇都是天蠍的「真．天蠍無雙」星座
如果以撒雅民族來比喻
已經是「超越超級撒雅人」的LEVEL
．
正一記仇西

我會自言自語中

2008-08-17T23:50:00.002+08:00

說我沒錯
.
侵略者馬上發動進攻
要緊急出發到外太空
.
離開我熟悉的桌子
拔掉我身上的電池
.
今君の为に色褪せた星が散る
その梦の中でおやすみ
.
從前現在過去再不來
紅紅落葉長埋塵土內
.
為何為何曾共我一起的
像時日總未逗留
.
高架橋過去了　路口還有好多個
這旅程不曲折　一轉眼就到了
.
I just want to get away from me
如此而己
.
閉著目承認故事看完
甚麼都不算甚麼
.
倚星細語抱月夜談
歷歷在目錄下年鑑
.
明日變遷怎麼可知道
何事悲觀信命數
.
懷著信心解開生死結
雲霧消失朗日吐

燥進

2008-08-13T00:57:00.004+08:00

最近打波好燥~
打得好差
是時候做一個自我檢討。
.
順帶一提
我自從買左呢對鞋
就打得唔好
我懷疑可能佢剋住我。
.

我從中四中五食煙開始不久，就思考自己為甚麼要食煙，以往一直得出的結論是「無聊」。
最近又多了一個原因：是「逃避」。
昨晚打波有煙無火機，所以沒處可逃。

.
幾米是又寂寞又美好
我是又因循又燥進

.
你睇我幾曳

紀念日

2008-07-19T02:28:00.010+08:00

我唔知可以寫多幾多年，以我既非常有限既記性，除左內子生日，就淨係記得佢生日。

就連上星期陪個妹睇《功夫熊貓》，佢問起我記唔記得佢生日，我都啞口無言，攪到俾這個只有一年級的小女生以怪責的口吻嘆一句：「哎～～呀～～」。

．

可能好多人認為，對一個將近三十歲既人來說，鍾意偶像是一件相當低能兼幼稚的事。我唔否認我人生中有好多時間都係相當低能兼幼稚，不過呢，我更加唔會否認年輕時對她的近乎瘋狂式的迷戀。所以呢，我幾十歲人仍然不會覺得話俾人知我鍾意廣末涼子而尷尬。

．

最開心係，雖然經歷結婚、息影、離婚、復出，年華漸去，卻沒有在幕前幕後做過一件令我覺得唔再值得繼續支持佢的事。起碼唔會好似Accident咁，明明三秒都無，但都話自己飾演臥底。我希望，每一年的這一天，也都記住，莫失莫忘，對永遠不知道我祝賀她的她祝賀一句：生日快樂~

.
學左幾年日文，點都要整番句：OMEDEDO~

.
最好笑係，對上一次pose左佢條CM既link出黎,最正係樓下打波其中一個o靚仔問我:邊個o黎o架，係米AVo黎o架？

果真五行欠打！

R字頭

艾佛遜以外的答案

Old Wood is so exciting

為了一千元，你可以付出幾多？

人啊人~(十級裸膽篇)

"THE"皮與雜誌

世界should be大同

十分冷淡存知己 一曲微茫度此生

星期六要上班，在公司的早上

很流的意識

認叻

個人意願加少少客觀分析

生而為人，我很抱歉

那位與我齊名的人的趣怪照

莊生曉夢

讀日文這些年

笑死我

羞日遮羅袖，愁春懶起妝

給我找個伴侶找到留下你的足印也可發展

HEAVY RAIN @ FXXK CLUB

Penny Lane and Summer

所謂真愛

睇落很好玩, 但玩落應該很悶的遊戲

@ 2009 AGS

很有故事性的一張相

第二壇

小田切讓煲湯派街坊 & 器官捐贈中心

張懸鼓勵大家

出少句聲無人話我啞

盡快原諒自己

悔過書

談寫小說

你是人間四月天

又聽

please please please let me get what i want

哀莫大於一個喜劇漫畫家自殺

good bye mary

真係要唱番首友情歲月

請你食飯與肚餓

魯迅都未生埋

估唔到

too 偏激, sometimes 扮o野

寫到金庸武俠小說一樣

我覺得好好笑

星沉海底當窗見 雨過河源隔座看

是日本人橡膠高電車之旅(下)

是日本人橡膠高電車之旅(上)

請脫去你的道德底褲

莫問真假．怕太早將一切看化

跟風之阿叔

有時候又想聽．如禮儀師般的小提琴聲．重覆的鋼琴和弦

奠

我最喜愛的港女

玫瑰玫瑰我愛你

有時候．只願意聽你．唱完一首歌

遲來的一周年紀念

ANTI BOSTON第一擊: 西阿倫打人下陰的罪證

令人懷念

嘆

我心目中最有型的女神

愛上了她

項明生膺數碼娛樂風雲人物

編者的話兩則

我要既其實係一條女裝內褲

給石琪的信

吸血新世紀 2 之戀童新世紀

我愛陳勳奇

張柏芝講人話~

有今生無來世(2)

有今生無來世

事先咀咒

為了記不起我被誰尋開心 橫起心

HOT BLOOD

幾十歲人~仲鍾意楊丞琳

咀咒

過眼雲煙裡兜兜且轉轉

2008年我最喜愛電影排行榜第一位

好編輯

NBA兩位球員在看到永高飛樽後之圖片

找到新愛~

十分冷淡存知己一曲微茫度此生

星沉海底當窗見　雨過河源隔座看

為了記不起我被誰尋開心橫起心

故鄉隨腳是足到便為家

如果我冷，妳在那邊唱